×
ज्योति विकास बैंकको बोनस शेयर हितग्राही खातामा जम्मा , नआएमा के गर्ने ?



ज्योति विकास बैंक लिमिटेडले आफ्ना शेयरधनीहरूको हितग्राही खातामा बोनस सेयर जम्मा गरेकाे छ ।

बैंकको मिति २०७८ /०९/ २३ गते सम्पन्न १४औं वार्षिक साधारण सभाबाट पारित भएको ११ प्रतिशत बोनस शेयर नेपाल स्टक एक्सचेन्ज लि. र सिडिएस एण्ड क्लियरिङ्ग लि. मा सूचिकृत तथा दर्ता भई अभौतिक रुपमा कारोबार हुने व्यवस्था भईसकेको छ ।

कम्पनीले गत पुस २३ गते सम्पन्न १४औं वार्षिक साधारण सभाबाट ११ प्रतिशत बोनससँगै कर प्रयोजनका लागि समेत ४ दशमलव ५ प्रतिशत नगद लाभांश वितरण गर्ने प्रस्तावलाई पारित गरेको थियो ।

साथै मिति २०७८ /०९/०६ गतेसम्म शेयर अभौतिकीकरण गराएका शेयरधनीहरुको बोनस शेयर सम्बन्धित हितग्राही खातामा जम्मा भएको र सो मिति पश्चात्‌ शेयर अभौतिकीकरण गराएका शेयरघनीहरुको हकमा क्रमशः उक्त बोनस शेयर जम्मा हुने व्यवस्था गरिएको हुँदा हालसम्म पनि शेयर अभौतिकीकरण नगरेका का शोयरघधनीहरुले आफनो शेयर अभौतिकीकरण गराई आफनो बोनस शेयर समेत हितग्राही खातामा नै प्राप्त गर्न सकिने व्यहोरा कम्पनीले जानकारी गराएको छ ।

कम्पनीले गत आर्थिक वर्ष ०७७/७८ को वितरणयोग्य रकम रू. ५९ करोड ६९ लाख ३८ हजार ८१८ बाट हाल कायम चुक्तापूँजी रू. ३ अर्ब ८४ करोड ४८ लाख २२ हजारको आधारमा उक्त लाभांश वितरण गरेको हो ।

नगद लाभांश जारी गर्दा ऋणात्मक लाभांश हुने (बैंकलाई रकम बुझाउनु बाँकी रहेको) शेयरधनीहरुको हकमा उक्त रकम जम्मा गरे पश्चात्‌ मात्र बोनस शेयर हितग्राही खातामा जम्मा हुने भएकोले यथाशिघ उक्त रकम ज्योति बिकास बैंकमा जम्मा गरि बोनस शेयर प्राप्त गर्न  बैंकले अनुरोध गरेको छ ।

साथै नगद लाभांश ऋणात्मक हुने शेयरधनीहरुको विवरण बैंकको साइट तथा शेयर रजिष्ट्रार एनआईबिएल एस क्यापिटल लिमिटेड, लाजिम्पाट, काठमाडौंमा सम्पर्क राखि वा एनआईबिएल एस ब्यापिटल लिमिटेडको Website: www.niblcapital.com बाट समेत प्राप्त गर्न सकिने छ ।

 

प्रतिक्रिया
Subscribe
Notify of
guest
0 Comments
इनलाइन प्रतिक्रियाहरू
सबै टिप्पणीहरू हेर्नुहोस्

सम्बन्धित खवर
2 3

ताजा समाचार

लोकप्रिय
सिफारिस