सेयर कारोबार मापक नेप्से परिसूचक मंगलबार करिब ७० अंकले घटेर २ हजार ६ सय १५.४० विन्दुमा ओर्लेको छ । अघिल्लो दिनको तुलनामा यो करिब २.६१ प्रतिशतले कम हो ।
आइतबार र सोमबार पनि उच्च अंकले घटेको बजारले मंगलबार पनि सोही प्रवृत्ति पछ्याएको हो । अघिल्ला दिनमा जस्तै मंगलबार पनि सेयर बजारमा उतारचढाब देखियो । तर, अधिकांश समय बजार ओरालो लागिरह्यो ।
सो दिन पनि कारोबारमा आएका सबै उपसमूहको परिसूचक घटेपछि समग्र नेप्सेमा दबाब परेको हो ।दिनभरीको कारोबारमा २ सय १६ कम्पनीका ५ अर्ब ७४ करोड रुपैयाँबराबरको सेयर किनबेच भएका छन् ।
यस दिन मनकामना स्मार्ट लघुवित्त र मैलुङ खोला हाइड्रोपावरको सेयर मूल्यमा सर्किट लाग्ने गरी वृद्धि भएको छ । सबै समूह घटेका छन् । सबैभन्दा धेरै फाइनान्स र हाइड्रोपावर समूहमा गिरावट आएको छ । १८ करोड ८२ लाख रुपैयाँभन्दा बढीसहित कुमारी बैंकको सर्वाधिक कारोबार भएको छ । यसैगरी, दोस्रो र तेस्रो स्थानमा क्रमशः हिमालयन डिष्टिलरी र नेसनल हाइड्रोपावर परेका छन् ।
प्रतिक्रिया
Subscribe
Login
5 Comments
Most Voted
सम्बन्धित खवर
