तेह्रथुम पावर कम्पनीको आइपीओ  बाँडफाँट भएको छ ।

बिक्री प्रबन्धक एनआइबीएल एस क्यापिटलको  अनुसार आइपीओमा कुल २३ लाख ५५ हजार ४४७ जनाले आवेदन दिएका थिए।  आवेदन दिने मध्ये ८ हजार ८२० जनाको आवेदन रद्द भएको छ भने रितपूर्वक आवेदन दिएका २३ लाख ४६ हजार ६२७ जनालाई गोलाप्रथामा सहभागी गराइएको थियो ।जसमा  गोलाप्रथामार्फत कुल ७४ हजार ४०० जना सर्वसाधारणले १० कित्ताका दरले सेयर हात पारेका छन् भने अन्य लगानीकर्ताको हात खालि रहेको छ  ।

कम्पनीले ९-१३ भदौसम्म ८ करोड रुपैयाँ बराबरको ८ लाख कित्ता सेयर निष्काशन गरेको थियो । बिक्रीमा ल्याएको कुल सेयरमध्ये कम्पनीले दुई प्रतिशत अर्थात १६ हजार कित्ता सेयर कर्मचारीका लागि र ५ प्रतिशत अर्थात ४० हजार कित्ता शेयर सामूहिक लगानी कोषलाई छुट्याएर बाँकी रहेको ७ लाख ४४ हजार कित्ता शेयर मात्रै सर्वसाधारणमा बाँडफाँट गर्नेछ ।

हाल चुक्ता पुँजी २८ करोड रुपैयाँ रहेको कम्पनीको स्थानीयलाई ४ करोड र सर्वसाधारणलाई ८ करोड रुपैयाँ बराबरको आईपीओ निष्काशनपश्चात् कम्पनीको चुक्ता ४० करोड रुपैयाँ पुग्नेछ ।

कसरि हेर्ने त् नतिजा ?

आईपीओ बाँडफाँट भए लगतै  नेप्से बजारको एप    साथै एनआईविएल एस क्यापिटलको साइट    , मेरो शेयरको नतिजा हेर्ने साइत र  मेरो शेयर  मार्फत नतिजा हेर्न सकिने छ।