माण्डु हाइड्रोपावर लिमिटेडले सर्वसाधारणलाई निष्काशन गरेको आईपीओ बाँडफाँट भएको छ।

कम्पनीको आईपियो आज बिहान ९ : ३० बजे बिक्री प्रबन्धक प्रभु क्यापिटलको कार्यालय कमलादीमा बाँडफाँट भएको हो। कम्पनीले भदौ १० गतेदेखि १३ गतेसम्म निष्काशन खुला गरेको आईपीओमा कुल १० लाख १६ हजार ७ सय १४ जनाको आवेदन परेको थियो जसमध्य १ लाख ४३ हजार ८ सय ७७ जना आवेदकको आवेदन रद्द भएको छ। जसले गर्दा योग्य आवेदक ८ लाख ७२ हजार ८ सय ३७ जना रहेका छन्।

मागभन्दा बढीको आवेदन परेकोले गोलाप्रथामार्फत शेयर बाँडफाँट गरिएको हुदा  १ लाख २० हजार ५ सय ३२ जना आवेदकले १० कित्ताको दरले शेयर पाएका छन् भने बाँकि आवेदक खालि हात भएका छन्  । आईपीओको नतिजा https://nepsebajar.com/iporesult/ बाट  हेर्न सकिने छ ।

इक्रा नेपालले कम्पनीलाई इक्राएनपी इस्यूअर रेटिङ्ग ट्रिपल बी माइनस प्रदान गरेको छ। यसले कम्पनीको दायित्व बहन गर्ने क्षमतामा औषत जोखिम रहेको संकेत गर्दछ।

कम्पनीले निर्माण गरि २२ मेगावाटको मागमती साना जलविद्युत आयोजना अहिले सञ्चालनमा रहेको  छ।  यस आयोजनाको कुल लागत ४ अर्ब १ करोड ९४ लाख ३७ हजार २५८ रुपैयाँ रहेको छ। प्रतिमेगावाट कुल लागत १८ करोड २७ लाख रुपैयाँ देखिएको छ।