४० प्रतिशत हकप्रद शेयर निष्कासनका लागि अपि पावर कम्पनीले बुक क्लोजको मिति तोकेको छ ।

कम्पनीले ४० प्रतिशत हकप्रद शेयर निष्कासन गर्न असार ६ गते बोर्डबाट अनुमति पाए संगै असार २२ गते एक दिन बुुक क्लोज गर्ने निर्णय गरेको हो । यसको आधारमा असार २१ गतेसम्म कायम शेयरधनीहरूले मात्र कम्पनीको हकप्रद शेयर खरीदका लागि आवेदन दिन सक्नेछन् ।

बुक क्लोज मिति तोके पनि कम्पनीले हकप्रद निष्कासनको मिति भने हालसम्म तय गरेको छैन्।  यो हकप्रद शेयर निष्कासन तथा विक्री प्रबन्धकमा मुक्तिनाथ क्यापिटल लिमिटेड रहेको छ ।

कम्पनीको हालको चुक्तापूँजी रू. ४ अर्ब १३ करोड ३२ लाख ८४ हजार रहेको छ ।  ४० प्रतिशत हकप्रद शेयर निष्कासन बाँडफाँट पश्चात कम्पनीको चुक्ता पूँजी रू. ५ अर्ब ७८ करोड ६५ लाखभन्दा बढी पुग्नेछ ।  कम्पनीले निर्माणाधीन ४० मेगावाट क्षमताको माथिल्लो चमेलिया जलविद्युत आयोजनाका लागि थप पूँजी जुटाउन हकप्रद शेयर निष्कासन गर्न लागेको हो ।