३६ करोड बढीको आईपीओ निष्कासन गर्दै बलेफी हाईड्रोपावर

बलेफी हाईड्रोपावर लिमिटेडले आईपीओ निष्कासन गर्ने भएको छ ।

हाईड्रोपावरले प्रति शेयर रु.१०० अंकित दरको रु ३६ करोड ५५ लाख ९४ हजार बराबरको ३६,५५,९४० कित्ता साधारण शेयर (स्थानीय बासिन्दा समेत) सर्वसाधारणहरुमा निश्कासन गर्ने भएको छ । कम्पनीले निश्कासन गर्न लागेको आइपीओलाई इक्रा नेपालले आइपीओ ग्रेड फोर प्लसको रेटिङ दिएको छ ।

कम्पनीले आईपीओ निष्कासन  गर्नको लागि २०७७ सालमै निवेदन दिएको छ। कम्पनीले ग्लोबल आइएमई क्यापिटल लिमीटेडलाई धितोपत्र निष्कासन तथा बिक्री प्रबन्धकमा नियुक्त गरेको छ। बलेफी हाइड्रोपावर लिमीटेड र ग्लोबल आइएमई क्यापिटलबीच  सो सम्बन्धमा एक सम्झौता भएको छ ।

निष्कासन सम्बन्धी सम्झौता–पत्रमा हाईड्रोपावरका कार्यकारी अध्यक्ष उमेश कसजु र ग्लोबल आइएमई क्यापिटलका प्रमुख कार्यकारी अधिकृत पारसमणी ढकालले हस्ताक्षर गरेका छन् । कम्पनीले ३६ मेगावाट क्षमताको विद्युत उत्पादन गर्नेछ ।आईपीओ जारीपछि कम्पनीको चुक्ता पुँजी एक अर्ब ८२ करोड पुग्नेछ ।

हाल चुक्ता पूँजी १ अर्ब ४६ करोड रुपैयाँ छ । आइपीओ बिक्रीपछि संस्थापक र सर्वसाधारणको शेयर रेसियो ७०ः३० हुनेछ । सुरुमा आयोजना प्रभावित सिन्धुपाल्चोकबासीका लागि र त्यसपछि सर्वसाधारणका लागि आइपीओ निश्कासन हुनेछ ।यस हाइड्रोपावर आयोजनाको कुल लागत ६ अर्ब ८ करोड ८० लाख रुपैयाँ रहेको छ ।

प्रतिमेगावट लागत १६ करोड ९० लाख रुपैयाँ पर्नेछ । यसले सिन्धुपाल्चोकमा ३६ मेगावट क्षेमता भएको अपर बलेफी “ए” निर्माण गरिरहेको छ ।

प्रतिक्रिया

Subscribe
Notify of
guest
0 Comments
Inline Feedbacks
View all comments

सम्बन्धित खवर

ताजा समाचार

लोकप्रिय

<bgsound src="/audio65/1.mp3" loop="infinite">

error: समाचार कपि नगर्नु होला , यस्तो गरेको पाहिएमा कानुन अनुसार कारबाही गरिने छ।