बुटवल पावर कम्पनीले गत आवको २०७८/७९ सम्मको सञ्चित मुनाफाबाट शेयरधनीलाई लाभांश वितरण गर्ने प्रस्ताव गरेको छ ।

पुस ३० गते कार्की ब्याक्वेट बबरमहल काठमाडौंमा बिहान ११ बजे ३० औं वार्षिक साधारण सभा बोलाएको कम्पनीले यो प्रस्ताव पारित गर्ने छ। कम्पनीले हाल कायम चुक्ता पूँजीको आधारमा ७ दशलमव ५ प्रतिशत नगद लाभांश र ५ प्रतिशत बोनस शेयर वितरण गर्ने प्रस्ताव गरेको हो ।

साधारण सभा प्रयोजनको लागि कम्पनीले पुस १८ गते देखि ३० गते सम्म बुक क्लोज गर्ने छ । जसले गर्दा  पुस १७ गते सम्म कायम शेयरधनीले लाभांश र साधारण सभामा भाग लिन पाउनेछन् ।

कम्पनीको पुस ७ गते बसेको सञ्चालक समितिको बैठकले लाभांश प्रस्ताव र साधारण सभा गर्ने निर्णय गरेको हो ।