अपि पावर कम्पनी लिमिटेडले चालू आर्थिक वर्षको तेस्रो त्रैमासिकसम्मको वित्तीय रिपोर्ट सार्बजनीक गरेको छ।
कम्पनीले चालू आर्थिक वर्षको तेस्रो त्रैमाससम्म रू. १२ करोड ६२ लाख ६७ हजार खुद नाफा गरेको छ जुन गत वर्षको रू. ६ करोड ६ लाख ५८ हजार भन्दा १०८ प्रतिशत बढी खुद नाफा हो।
कम्पनीलाई यस वर्ष विद्युत् विक्रीबाट रू. २८ करोड १ लाख ३६ हजार र अन्य स्रोतबाट रू. ६ करोड २९ लाख ८९ हजार आम्दानी भएको छ । गत वर्ष रू. २४ करोड ३८ लाख ९७ हजार कुल आम्दानी गरेको कम्पनीले यस वर्ष रू. ३५ करोड ११ लाख ६ हजार यो आम्दानी गरेको हो ।
हाल कम्पनीको चुक्ता पुजी रू. १ अर्ब ९२ करोड ९७ लाख ५६ हजार रहेको छ भने जगेडा कोष रकम रू. २८ करोड १ लाख ३६ हजार कायम भएको छ । प्रतिशेयर आम्दानी यो अवधिसम्म रू. ८ दशमलव ७२ रहेको अपि पावरको प्रतिशेयर नेटवर्थ रू. ११४ दशमलव ५२ रहेको छ ।
कम्पनीले हकप्रद शेयरको निस्कासन गर्दै छ । उक्त हकप्रद शेयर प्रयोजनका लागि भने कम्पनीले वैशाख २९ गते बुक क्लोज गरेको छ । कम्पनीले दोस्रो चरणमा २९ दशमलव ३८ प्रतिशत हकप्रद शेयर विक्री गर्न लागेको हो ।
कम्पनीले सार्बजनिक गरेको रिपोर्ट यस प्रकार रहेको छ।