सानिमा जनरल इन्स्योरेन्स लिमिटेडले चालू आर्थिक वर्षको तेस्रो त्रैमास रिपोर्ट सार्बजनिक गरेको छ।

इन्स्योरेन्सले चालू आर्थिक वर्षको तेस्रो त्रैमाससम्म रू. ४६ करोड ४६ लाख २८ हजार कुल बीमाशुल्क आर्जन गरेको छ । गत वर्षको तुलनामा यो रकम ७६ दशमलव ४६ प्रतिशत बढी हो ।

सानिमा जनरल इन्स्योरेन्स लिमिटेडले यसै वर्ष सर्वसाधारणमा आईपीओ जारी गरी चुक्तापूँजी रू. १ अर्ब पुर्याएको छ। यस वर्ष बीमाकोष रकम ९४ प्रतिशत वृद्धि भई रू. ८ करोड ५७ लाख २० हजार पुगेको छ ।

कम्पनीको प्रतिशेयर आम्दानी रू. ७ दशमलव ८० र प्रतिशेयर नेटवर्थ रू. ११७ दशमलव शून्य ६ रहेको छ ।यस वर्ष कम्पनीले १७३ दशमलव ७८ प्रतिशत बढी कुल दाबी भुक्तानी गरेको छ ।

गत वर्ष रू. ५ करोड ५७ लाख ६४ हजार कुल दाबी भुक्तानी गरेको कम्पनीले यस वर्ष रू. १५ करोड २६ लाख ६८ हजार भुक्तानी गरेको हो । कम्पनीको जगेडा कोष रकम पनि १०१ प्रतिशत बढेर रू. ७ करोड ५९ लाख ५५ हजार कायम भएको छ ।

।