मकर जितुमाया सुरी हाइड्रोपावरले भोलि देखि आईपीओ निष्कासन तथा विक्री खुला गर्ने भएको छ ।

कम्पनीले आयोजना प्रभावित स्थानीय र वैदेशिक रोजगारीमा रहेका नेपालीहरुका लागि आईपीओ विक्री गरेपछि अब  १३ लाख ३७ हजार ३०२ कित्ता आईपीओ सर्वसाधारणका लागि विक्री खुला गर्न लागेको हो । लगानीकर्ताले उक्त आईपियोमा न्यूनतम १० कित्तादेखि अधिकतम १० हजार कित्ताका लागि छिटोमा चैत २२ गते र ढिलोमा वैशाख ३ गते सम्म आवेदन दिन सक्ने छन्।

कम्पनीको शेयर निष्कासन तथा विक्री प्रबन्धक प्रभु क्यापिटल लिमिटेड रहेको छ ।  केयर रेटिङ्ग नेपालले आईपीओ निष्कासनको लागि गराएको रेटिङ्गमा कम्पनीलाई दायित्व बहन गर्ने क्षमतामा औषत जोखिम रहेको संकेत गर्ने केयर एनपी डबल बी इस्यूअर रेटिङ्ग प्रदान गरेको छ ।

कम्पनीको  दोलखा जिल्लामा ६ दशमलव ४ मेगावाटको सुरिखोला जलविद्युत आयोजना र ७ मेगावाटको माथिल्लो सुरिखोला जलविद्युत आयोजना निर्माण गरेको छ ।