नेपाल धितोपत्र बोर्डले एसएमई प्लेटफर्मको खाका बिहीबार (आज) सार्वजनिक गर्ने भएको छ।

साना कम्पनीहरुको कारोबारका लागि तयारी गरिएको प्लेट फर्म अर्थात एसएमई प्लेटफर्मको खाका सार्वजनिक गर्ने बोर्डका कार्यकारी अध्यक्ष रमेशकुमार हमालले जानकारी दिए ।

‘विहीबार बिहान १० बजे बोर्डको आधिकारिक वेबसाइटमार्फत एसएमई प्लेटफर्मको खाका सार्वजनिक गर्दछौं। साना तथा मझौला कम्पनीहरुका लागि एउटा अनुकुल वातावरण बनोस् र अहिले सबै कम्पनीहरु एउटै वास्केटमा राखेर अन्योलता नहोस् भन्ने हामीले चाहेका हौं,’ उनले बताए  ।