SAPDBL 458.1 -1.9 RBCLPO 11700 -429 MMF1 8.03 -0.13 MLBSL 2080 -34 HBLD83 1040 -20 CFCL 610 2 SMATA 1136 -73.9 SCB 653 -6.9 GLH 254 -9.9 NICL 969 -11 JSLBB 1570.1 -31.9 UNL 53800 -200 PROFL 499.8 19.8 RMF1 9.1 -0.08 BEDC 466 -10 CHCL 545 -11 BHL 431 -18 PHCL 408.2 -15.8 SFMF 10.77 0.02 CZBIL 226 -3.5 SNLI 567.9 -8.1 MBJC 340 -12 RNLI 517.1 -9.9 AHPC 219 -2.3 CIT 2145 -19 HEIP 375.1 -14.8 MSLB 1390 -25 MLBL 404.5 6.4 CYCL 1580 -35 NIBSF2 8.5 -0.13 NIFRA 231 -5 NBF2 9.5 -0.14 HIDCLP 108 -2.4 KKHC 270 0 SARBTM 896 -24 SBID83 1050 4.5 SHL 520 -4 NLG 882 -3 LICN 1591 1 TRH 990 -23
×
मोदी ईनर्जीको आईपीओ निष्कासन मिति सार्बजनिक , कति दिने आवेदन ?



मोदी ईनर्जी लिमिटेडले आईपीओ निष्कासन तथा विक्री खुला गर्ने भएको छ।

कम्पनीले आगामी फागुन २५ गतेदेखि आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि आईपीओ निष्काशन गर्न लागेको हो। जारी पूँजी २ अर्ब ९० करोड रुपैयाँ रहेको कम्पनीले जारी पूँजीको १० प्रतिशत अर्थात् २९ करोड रुपैयाँ बराबरको प्रतिशेयर १०० रुपैयाँ अंकित दरको २९ लाख कित्ता साधारण शेयर आयोजना प्रभावित क्षेत्र पर्वत जिल्ला अन्तर्गत साविकक दुर्लुङ्ग गाविस हाल कुश्मा नगरपालिका -३, साविक बाजुङ्ग गाविस हाल मोदी गाउँपालिका ५, साविक देवपुर गाविस हाल मोदी नगरपालिका २, साविक तिलहर गाविस हाल मोदी गाउँपालिका ६ र साविक चुवा गाविस हाल कुश्मा नगरपालिका ८ का स्थानीय बासिन्दाहरुका लागि निष्कासन गर्न लागेको हो।

यसका साथै सर्वसाधारणमा निष्काशन हुने शेयरको १० प्रतिशतले हुन आउने ४ करोड ३५ लाख रुपैयाँ बराबरको प्रतिशेयर १०० अंकित मूल्यका ४ लाख ३५ हजार कित्ता शेयर नेपाल सरकारको सम्बन्धित निकायबाट श्रम स्वीकृत प्राप्त गरी विदेशमा बसी रोजगार गरिरहेका नेपालीहरुका लागि निष्काशन गर्न लागेको हो। कम्पनीले सर्वसाधारणलाई निष्काशन गर्ने शेयरको ५ प्रतिशत अर्थात २ लाख १७ हजार ५०० कित्ता सामूहिक लगानी कोष र २ प्रतिशत अर्थात ८७ हजार कित्ता साधारण शेयर कम्पनीका कर्मचारीहरुका लागि छुट्याएको छ।

आयोजना प्रभावित क्षेत्रका बासिन्दाहरुले न्यूनतम १० कित्ता देखि अधिकतममा १ हजार कित्ताका लागि आवेदन दिन सक्नेछन् भने वैदेशिक रोजगारीमा रहेका नेपालीहरुले न्यूनतम १० कित्ता देखि  अधिकतममा १ लाख कित्ताका लागि आवेदन दिन सक्नेछन्। आईपीओ निष्कासन बन्द छिटोमा चैत ९ गते हुनेछ भने माग बमोजिम आवेदन नपरेमाआयोजन प्रभावित क्षेत्रका स्थानीय बासिन्दाहरुका लागि ढिलोमा चैत २४ गते हुनेछ।

स्थानीय बासिन्दाले सनराइज बैंक, नेपाल इन्भेष्टमेन्ट मेगा बैंक, एनआईसी एशिया बैंक र कुमारी बैंकका तोकिएका शाखा कार्यालय तथा नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्बा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सक्नेछन्।

कम्पनीको शेयर निष्कासन तथा विक्री प्रबन्धकमा सनराइज क्यापिटल लिमिटेड रहेको छ।  आईपीओ निष्कासनको लागि गराएको रेटिङ्गमा इन्फोथेरिक्स क्रेडिट रेटिङ्ग नेपालले कम्पनीलाई आईआरएन डबल बी प्लस इस्यूअर रेटिङ्ग प्रदान गरेको छ। यसले कम्पनीको दायित्व बहन गर्ने क्षमतामा मध्यम जोखिम रहेको संकेत गर्दछ।

प्रतिक्रिया
Subscribe
Notify of
guest
0 Comments
इनलाइन प्रतिक्रियाहरू
सबै टिप्पणीहरू हेर्नुहोस्


साताको चर्चित
ताजा समाचार

लोकप्रिय
सिफारिस