आइएमई लाइफ इन्स्योरेन्स कम्पनी लिमिटेडले जेठ ३१ गते तेस्रो वार्षिक साधारण सभा आव्हान गरेको छ ।

कोरोना महामारीको जोखिमलाई मध्यनजर गर्दै सभा भर्चुअल माध्यमबाट सम्पन्न गर्ने गरि कम्पनीले आफ्नै रजिष्टर्ड कार्यालय, लैनचौर, काठमाडौंमा बिहान १० बजेका लागि सभा बोलाएको हो ।

उक्त साधारण सभामा धितोपत्र दर्ता गरी आईपीओ निष्कासन गर्ने प्रस्ताबमा छलफल हुने छ। आइपियो निस्कासन गर्नको लागि कम्पनीको संशोधित प्रवन्धपत्र र नियमावली अभिलेख राख्ने निकायहरुबाट कुनै फेरबदल गर्न निर्देशन आएमा सो अनुसार सञ्चालक समितिलाई अख्तियारी दिने साधारण सभाको बिशेष प्रस्ताव रहेको छ।

कम्पनीको जेठ ७ गते बसेको सञ्चालक समितिको बैठकले सभा गर्ने निर्णय गरेको हो ।