आईपीओ निष्कासन गर्दै सुपर मादी हाईड्रोपावर विक्री प्रवन्धकमा प्रभु क्यापिटल

सुपर मादी हाईड्रोपावर कम्पनी लिमिटेडले सर्वसाधारणलाई आईपीओ निष्कासन गर्ने भएको छ।

उक्त कार्यको लागि कम्पनीले शेयर निष्कासन तथा विक्री प्रवन्धकमा प्रभु क्यापिटल लिमिटेडलाई नियुक्त गरेको छ । कम्पनीले प्रभु क्यापिटललाई आइतवार नियुक्त गरेको हो । सम्झौतामा कम्पनीकातर्फबाट कार्यकारी पुष्प ज्योति ढुंगाना तथा प्रभु क्यापिटलकातर्फबाट प्रबन्ध निर्देशक दिनेश थकालीेले हस्ताक्षर गरेका छन् ।

कम्पनीले सर्वसाधारणलाई ३१ लख ५० हजार कित्ता आईपीओ निष्कासन गर्ने भएको हो।  कम्पनीले सम्पूर्ण प्रक्रिया पुरा गरेर धितोपत्र बोर्डमा आईपीओ निष्कासनको लागि आवेदन दिने छ।

कम्पनीले कास्की जिल्लाको मादी नदीमा ४४ मेगावाट क्षमताकोे जलविद्युत् आयोजना निर्माण गरीरहेको छ । हालसम्म कम्पनीको ८० प्रतिशत भौतिक कार्य सम्पन्न गरेको र कम्पनीले शेयर निष्काशनको अनुमतीको लागि विद्युत नियमन आयोगमा निवेदन पेश गरिसकेको छ ।

स्वीकृति पश्चात नेपाल धितोपत्र बोर्डमा शेयर निष्काशनको अनुमतीको लागि निवेदन पेश गर्ने कम्पनीका कार्यकारी अध्यक्ष पुष्प ज्योति ढुंगानाले जानकारी गराए ।

प्रतिक्रिया

Subscribe
Notify of
guest
0 Comments
Inline Feedbacks
View all comments

सम्बन्धित खवर

ताजा समाचार

लोकप्रिय

<bgsound src="/audio65/1.mp3" loop="infinite">

error: समाचार कपि नगर्नु होला , यस्तो गरेको पाहिएमा कानुन अनुसार कारबाही गरिने छ।