यही कात्तिक ८ गते मंगलबारको दिन खण्डग्रास सूर्यग्रहण लाग्दैछ ।

नेपालमा सूर्यग्रहण साँझ ४ः५३ बाट मात्र देखिनेछ भने  ग्रहणको समाप्ति साँझ ५ः२६ मा हुने छ । सूर्यग्रहणको सुतक ग्रहण लाग्नुभन्दा १२ घण्टा अगाडि लाग्ने भएपनि यो चरम ग्रहण हुने भएकाले यस ग्रहणको सुतक बिहान सूर्योदयदेखि नै मानिनेछ । नेपालमा सूर्यग्रहण समाप्त हुनु अघि सूर्यास्त हुनेछ, त्यसैले यो ग्रहण सूर्यास्तमा समाप्त भएको मानिनेछ। सरल शब्दहरूमा, नेपालमा सूर्यग्रहणको प्रभाव सूर्योदयदेखि सूर्यास्तसम्म हुनेछ।

ग्रहणको समयमा के गर्ने र के नगर्ने:

ग्रहणको  सुतक सुरु भएपछी कपाल काट्ने, नङ काट्ने, मूर्ति छुन, खान, पिउन आदि निषेध गरिएको छ । बालबालिका, वृद्धवृद्धा, बिरामी, गर्भवती महिलाले ग्रहण लाग्नुभन्दा तीन घण्टाअघिसम्म खाना, औषधि आदि लिन सक्नेछन् । ग्रहणको समयमा गर्भवती महिलाले घरबाट बाहिर निस्कनु हुँदैन, यसले बच्चामा नराम्रो प्रभाव पार्न सक्छ। सूर्यग्रहण खाली आँखाले नहेर्नुहोस्, ग्रहणको समयमा निस्कने पराबैंगनी किरणले आँखाको ज्योति घटाउन सक्छ, आँखा जलाउन सक्छ ।

ग्रहणको समयमा सूर्य मन्त्रको जप गर्नुपर्छ। हनुमान चालिसा, बजरंग बान, हनुमान जीको मन्त्र जप गर्नुपर्छ। ग्रहण लागेपछि नुहाएर आफ्नो क्षमता अनुसार भोजन, फलफूल, कपडा आदि दान गर्नुपर्छ । दान गर्नु पर्ने वस्तुको ग्रहणको मध्यमा समाधान गर्नुपर्छ । जसको कुण्डलीमा सूर्यग्रहण अर्थात् राहु, केतु वा शनि सूर्यको साथमा बसेका छन्, उनीहरूले सूर्यलाई तामाका भाँडा, गहुँ आदि दान गर्नुपर्छ ।

तुलसी वा कुश राख्नुहोस् :

ग्रहणको समयमा खाना र पेय पदार्थहरूमा सूक्ष्म जीवहरू प्रवेश गर्छन्। त्यसैले सुतक लगाउनुअघि खाना, पानी, दूध, दही, तेल, अचार, चटनी आदिमा कुश वा तुलसीको पात राख्नुपर्छ। कुशमा सबै ब्याक्टेरिया जम्मा हुन्छन्, ग्रहण सकिएपछि त्यो कुश निकालेर फाल्नु पर्छ । तुलसीमा ब्याक्टेरियासँग लड्ने र मार्ने अद्भुत क्षमता छ। तुलसीको प्रभावले खाना र पेय पदार्थ प्रदूषणबाट मुक्त रहन्छ।

सूर्यग्रहणले राशिफलमा कस्तो असर पार्छ : 

यो खण्डग्रास सूर्यग्रहणले सबै १२ राशिमा फरक फरक प्रभाव पार्नेछ । अशुभ राशि भएका व्यक्तिले ग्रहणको समयमा जप-तप-दान-ध्यान गरी अशुभ प्रभावलाई कम गर्न सकिन्छ ।

शुभ परिणाम- वृष, सिंह, धनु, मकर
मध्यम फल- मेष, मिथुन, कन्या, कुम्भ
अशुभ परिणाम – कर्कट, तुला, वृश्चिक, मीन