सानिगाड हाइड्रो लिमिटेड (SGHL) को प्रारम्भिक सार्वजनिक निष्कासन (IPO) को बाँडफाँड भोलि हुने भएको छ।
बिक्री प्रबन्धक एलएस क्यापिटल लिमिटेडका अनुसार बाँडफाँड कार्यक्रम भोलि आयोजना गर्ने तयारी गरिएको छ। कम्पनीले सर्वसाधारणका लागि ४६ लाख ७४ हजार कित्ता साधारण शेयर निष्कासन गरेको थियो। उक्त आईपीओमा लाखौं लगानीकर्ताले आवेदन दिएका कारण मागभन्दा धेरै आवेदन परेको छ।
उपलब्ध तथ्यांकअनुसार करिब २७ लाख ५९ हजारभन्दा बढी आवेदन परेको छ भने कुल माग निष्कासित शेयरभन्दा करिब ६.४५ गुणा बढी रहेको देखिन्छ। यस कारण गोलाप्रथामार्फत सीमित आवेदकले मात्र न्यूनतम १० कित्ता शेयर प्राप्त गर्नेछन्।
बाँडफाँड सम्पन्न भएपछि लगानीकर्ताले सीडीएससीको आईपीओ नतिजा पोर्टल, मेरो शेयर तथा बिक्री प्रबन्धक एलएस क्यापिटलको वेबसाइटमार्फत नतिजा हेर्न सक्नेछन्।
उच्च आवेदनका कारण अधिकांश आवेदक खाली हात फर्किन सक्ने अनुमान गरिएको छ। तथ्यांकअनुसार करिब ४ लाख ६७ हजार आवेदकले मात्र शेयर प्राप्त गर्ने सम्भावना रहेको देखिन्छ।
प्रतिक्रिया
Subscribe
Login
0 Comments
Most Voted
