आइएमई लाइफ इन्स्योरेन्सले संस्थापक शेयरधनीहरूलाई पूँजी थप्न आग्रह गरेको छ ।

कम्पनीले मंगलबार एक सूचना जारी गर्दै संस्थापक शेयरधनीहरुलाई शत प्रतिशत पूँजी थप्न आग्रह गरेको हो ।

कम्पनीको पूँजी वृद्धि गर्ने सम्बन्धमा बीमा समितिबाट भएको निर्देशन बमोजिम असोज २६ गते सम्पन्न भएको पाँचौ वार्षिक साधारण सभाले हाल कायम रहेको संस्थापक सेयरधनीहरूबाट शत प्रतिशत अर्थात १ बराबर १ का दरले थप लगानी गर्ने निर्णय गरेको थियो ।

कम्पनीको संस्थापक सेयरधनीहरूले मंसिर ५ गतेभित्र रकम जम्मा गरिसक्नु पर्नेछ । संस्थापक शेयरधनीहरुले सिद्धार्थ बैंक, हात्तिसार, काठमाडौं र नबिल बैंक तिनधारा काठमाडौंमा रहेको बैंकखातामा रकम जम्मा गर्नुपर्ने कम्पनीले जनाएको छ ।