×
बुक बिल्डिङ विधिबाट आईपीओ निष्काशन गर्न सर्वोत्तम सिमेन्टको साधारण सभा आज

सर्वोत्तम सिमेन्टको आइपियो ७५० भन्ने गलत बुझाइ , कति हो त् वास्तविक मूल्य ?



सर्वोत्तम सिमेन्ट कम्पनीको तेस्रो वार्षिक साधारण सभा आज बस्दैछ ।

बुक बिल्डिङ विधिबाट आईपीओ  निष्काशन गर्ने प्रस्ताव पेश गर्नाक्को लागि साधारण सभा काठमाडौं तिनकुनेस्थित न्यौपाने टावरको पाँचौं तल्लाको हलमा बिहान ११ बजे सुरु हुनेछ ।  यस्तै सभामा आर्थिक वर्ष २ं०७७–७८ को वार्षिक प्रतिवेदन  र आर्थिक वर्ष २ं०७८–७९ का लागि लेखापरिक्षक नियुक्त गर्ने एजेन्डा पनि छ ।

सर्वोत्तम सिमेन्टको आईपीओ प्रक्रिया अहिले मिडिया पोर्टलहरूमा धेरै कभर भएको कारणले विवादास्पद भएको छ । बुक बिल्डिङ विधिबाट आइपीओ निष्काशन गर्ने तयारीमा रहेको सर्वोत्तम सिमेन्टको रेटिङ सम्पन्न भइसकेको छ ।

रेटिङ एजेन्सी इक्रा नेपालले कम्पनीलाई इक्राएनपी–आइआर त्रिपल बी प्लस रेटिङ प्रदान गरेको छ । यसले कम्पनीको अवस्था मध्यम रहेको जनाउछ ।

पूँजी बजार नियामक निकाय सेबोनको दफाअनुसार पब्लिक लिमिटेड कम्पनीमा परिणत भएपछि कम्पनीले कम्तीमा एक आर्थिक वर्ष सञ्चालन गर्नुपर्नेछ । जसका कारण आर्थिक वर्ष आइपीओ प्रक्रिया अघि बढ्न सकेको छैन ।

कम्पनीले ६० लाख कित्ता आइपीओ निष्काशन गर्न लागेको हो । जसमध्ये ४०% अर्थात् २४ लाख कित्ता योग्य संस्थागत लगानीकर्ताका लागि छुट्याइने कम्पनीले जनाएको छ । बाँकी रहेको ३६ लाख कित्तामध्ये ८ लाख कित्ता स्थानीयबासी, ३ लाख कित्ता कर्मचारी र २५ लाख कित्तामा सर्वसाधारणले आवेदन दिन सक्नेछन्  ।

२०७६ साउनमा प्राइभेटबाट पब्लिक कम्पनीमा रूपान्तरण भएको सर्वोत्तमले चुक्ता पूँजीको १५ प्रतिशत अर्थात ६० करोड रुपैयाँ बराबरको सेयर बिक्रि गर्ने प्रक्रिया सुरु गरेको छ ।

कम्पनीको खानी पाल्पामा रहेको छ भने नवलपरासीमा उद्योग रहेको छ । यस उद्योगको वार्षिक दैनिक  उत्पादन क्षमता ६० हजार बोरा  रहेको छ ।सर्वोत्तम सिमेन्टले सर्वोत्तम ग्रिन पि. एस. सि. सिमेन्ट र सर्वोत्तम ग्रिन ओ. पि. सि. सिमेन्ट उत्पादन गरिरहेको छ । युरोपियन भि. आर. एम. मेशिनबाट उत्पादित सर्वोत्तम सिमेन्ट नेपाल कै एकमात्र पहिलो ४५०० ब्लेन सम्मको मसिनोपन भएको सिमेन्ट उत्पादन गर्दै आएको छ ।

प्रतिक्रिया
Subscribe
Notify of
guest
0 Comments
इनलाइन प्रतिक्रियाहरू
सबै टिप्पणीहरू हेर्नुहोस्

सम्बन्धित खवर
2 3

ताजा समाचार

लोकप्रिय
सिफारिस