। सर्वोत्तम पेन्ट्स इण्डष्ट्रिज लिमिटेडको आईपीओमा आवेदन दिएका लगानीकर्ताको प्रतीक्षा अब अन्त्य हुने भएको छ।

कम्पनीले सर्वसाधारणका लागि बिक्री खुला गरेको आईपीओको बाँडफाँट असार ११ गते बिहीबार गर्ने तयारी गरिएको छ। निष्काशन तथा बिक्री प्रबन्धक ग्लोबल आईएमई क्यापिटल लिमिटेडका अनुसार आईपीओ बाँडफाँटका लागि आवश्यक प्रक्रिया अन्तिम चरणमा पुगेको छ। बाँडफाँट सम्पन्न भएसँगै लगानीकर्ताले आफ्नो नतिजा हेर्न सक्नेछन्।

कम्पनीले जेठ २८ गतेदेखि असार २ गतेसम्म सर्वसाधारणका लागि ७ लाख ५ हजार ५ सय कित्ता शेयर बिक्री खुला गरेको थियो। सीमित परिमाणको शेयरका लागि ठूलो संख्यामा आवेदन परेकाले गोलाप्रथामार्फत शेयर वितरण गरिने भएको हो।

बाँडफाँटपछि ७० हजार ५५० जना आवेदकले मात्रै शेयर हात पार्नेछन् भने बाँकी अधिकांश आवेदक भने यसपटक पनि खाली हात रहनेछन्। यस कारण सर्वोत्तम पेन्ट्सको आईपीओ परिणामप्रति लगानीकर्ताको विशेष चासो देखिएको छ।