घोराही सिमेन्टको आईपीओ बाडँफाटँ भएको छ।
आईपियोमा रितपूर्वक आवेदन दिएका सबै ५ लाख ५७ हजार ७०१ जना लगानीकर्ताहले १० कित्ताको दरले सेयर हात पारेका छन्। उक्त आईपीओमा १० देखि ७० कित्तासम्म आवेदन दिएका ५ लाख ५३ हजार ४४ जनाले मागअनुसार सेयर पाएका छन । यसैगरी, ८० कित्तादेखि ३० हजार कित्तासम्म आवेदन दिएका ४ हजार ६५७ जनालाई ७० कित्ताका दरले सेयर पाएका छन् ।
त्यस्तै बाँकी रहेको ६ हजार ९१० कित्ता सेयर गोलाप्रथामार्फत ८० कित्तामाथि आवेदन दिएका ४ हजार ६५७ जना मध्येबाट ६९१ जनालाई १० कित्ताका दरले थप सेयर दिइएको छ । उक्त आईपीओकाे बाडँफाटँ निष्कासन तथा बिक्री प्रबन्धक हिमालयन क्यापिटल लिमिटेड र नबिल इन्भेष्टमेन्ट बैंकिङ्ग लिमिटेडद्वारा आज दिउँसो नक्सालस्थित नबिल इन्भेष्टमेन्टको कार्यालयमा गरिएकाे थियाे ।
कम्पनीकाे आईपीओमा अन्तिम दिनसम्म कुल ५ लाख ८१ हजार ५ सय ४६ जना लगानीकर्ताहरूले १ करोड ३ लाख २४ हजार २ सय ६० कित्ताको लागि आवेदन दिएका थिए ।
प्रतिक्रिया
Subscribe
Login
0 Comments
Most Voted
