SGIC 641.2 -4.8 ALBSL 1040 -4 ACLBSL 1035 0 STC 5908 9 LEC 276.8 -6 MSHL 938 3 SAPDBL 569.6 -7.4 NICGF 10.56 -0.28 BNHC 466.9 0.7 MKHC 339 -1 SMB 1809 4 CZBIL 242 -10 AKJCL 209 -3 KPCL 493 -0.8 GBLBS 738 -10 CLI 634 -4.9 SEF 9.51 -0.24 ANLB 4453.1 47 NBBD2085 1100 0 PBLD87 1028 -2 RBCL 17071 -109 LICN 1995.9 -27.1 PBD88 1102.1 2.1 SBID83 1098 8.7 NHPC 220.1 0 KBLD86 1115 0 FMDBL 758 -0.1 CORBL 958.8 -10.2 WNLB 2650 -80 SPDL 310 5 NIMBPO 176.9 -1.1 NBLD87 1020 -8 MCHL 488.3 -3.7 RNLI 495.5 1.5 MHNL 265.5 -0.5 PPL 461 -2.5 BNT 14350 -50 RADHI 397.9 7.9 SKBBL 934 -3 NRIC 803 -5
×
दूध उत्पादन गर्ने किसानलाई २ रुपैयाँ अनुदान !



कोशी प्रदेश सरकारले छ जिल्लामा दूध उत्पादन गर्ने किसानलाई प्रतिलिटर दुई रुपैयाँका दरले अनुदान दिएको छ ।

स्थानीय तथा ग्रामीण क्षेत्रमा भैँसी तथा गाईपालन गरेर दूध उत्पादन गर्दै आएका किसानलाई प्रोत्साहन र उत्पादन वृद्धिका लागि दूधमा प्रतिलिटर दुई रुपैयाँका दरले अनुदान रकम प्रदान गरिएको हो । शुक्रबार नवयुग दुग्ध सङ्कलन तथा वितरण केन्द्र इनरुवा–५ बलाहामा कोशी प्रदेश सरकारका उद्योग, कृषि तथा सहकारीमन्त्री भक्तिप्रसाद सिटौलाको हातबाट किसानलाई अनुदान रकम प्रदान गरिएको छ ।

डेरीमा प्राप्त दूधको विवरणानुसार अनुदान रकम प्रदान गरिएको नवयुग दुग्ध सङ्कलन तथा वितरण केन्द्रका सञ्चालक गोविन्द पोखरेलले जानकारी दिए । केन्द्रमा दूध दिने दुई सय किसानलाई अनुदान रकम हस्तान्तरण गरिएको उनले बताए । ग्रामीण क्षेत्रमा भैँसी तथा गाईपालन गरेर दूध उत्पादन गर्दै आएका किसानलाई प्रोत्साहन र उत्पादन वृद्धिका लागि प्रदेश सरकारले चालू आवमा १२ करोड ५० लाख रुपैयाँ अनुदानका लागि विनियोजन गरेको छ ।

कोशी प्रदेशका झापा, मोरङ, सुनसरी, तेह्रथुम, धनकुटा र इलामका चिस्यान केन्द्र, डेरी तथा सहकारीका माध्यमबाट किसानलाई अनुदान दिइने कार्यक्रम रहेको पशुपंक्षी तथा मत्स्य विकास निर्देशनालयका प्रमुख सचिव मेघनाथ तिमिल्सिानाले बताए ।

जिल्लाका भेटेरिनरी अस्पतालबाट सूचना नै जारी गरेर दूध सङ्कलन गर्ने संस्थासँग आवेदन माग गरेको र आवेदनबाट सुनसरीको हकमा १८ संस्था छनोटमा परेकाले सोही संस्थामार्फत किसानको तथ्याङ्क सङ्कलन गरेर उनीहरुलाई अनुदान रकम वितरण गरिएको जानकारी दिए ।

 

प्रतिक्रिया
Subscribe
Notify of
guest
0 Comments
Most Voted
Newest Oldest
इनलाइन प्रतिक्रियाहरू
सबै टिप्पणीहरू हेर्नुहोस्


साताको चर्चित
ताजा समाचार

लोकप्रिय
सिफारिस