अमेरिकामा बैंकिङ क्षेत्रमा देखिएको उथलपुथल रोकिने नाम लिइरहेको छैन ।

सिलिकन भ्याली बैंक , सिल्भरगेट पछि अब अर्को बैंकमा ताला लागेको छ । सिग्नेचर बैंक, जसलाई क्रिप्टो फ्रेन्डली भनिन्छ, अस्थायी रूपमा बन्द गरिएको छ। यस बैंकसँग क्रिप्टोकरेन्सीको स्टक थियो र यसको जोखिमलाई ध्यानमा राख्दै यो क्षेत्रीय बैंकलाई केही समयका लागि बन्द गर्ने निर्णय गरिएको छ ।

यो क्रिप्टो उद्योगलाई कर्जा दिने दुई ओटा प्रमुख बैंक मध्ये एक थियो । बैंक धराशयी बनेसँगै यसको असर क्रिप्टो उद्योगमा पर्ने देखिएको छ ।  अन्तर्राष्ट्रिय सञ्चार माध्यम रोयर्टसका अनुसार डिसेम्बर ३१ सम्म सिग्नेचर बैंकको कुल सम्पत्ति ११०.४ बिलियन अमेरिकी डलर र कुल निक्षेप ८८.६ बिलियन डलर रहेको छ ।