बैंक अफ काठमाण्डू र ग्लोबल आइएमई बैंकको मर्जरपछि कायम शेयर नेप्सेमा सूचीकृत भएको छ ।

दूई बैंकबीच १ बराबरको १ को अनुपातमा मर्जर भएको हुदा बैंक अफ काठमाण्डूको नाममा रहेको ११ करोड २६ लाख १४ हजार ३३७.१७ कित्ता शेयर ग्लोबल आइएमई बैंकको नाममा नेप्सेमा सूचीकृत भएको हो । मर्जरपछिको पहिलो कारोबारको लागि नेप्सेले रू. २०९ दशमलव ४२ ओपनिङ्ग रेञ्ज दिएको छ भने बैंकको शेयर कारोबार पनि फुकुवा गरेको छ ।

कम्पनीको सेयर भोलि देखि कारोबारमा आउने छ। यी दुई बैंकले पुस २५ गतेदेखि एकीकृत कारोबार शुरू गरेका हुन् ।