नबिल बैंक लिमिटेडले दोस्रो त्रैमाससम्मको वित्तिय विवरण सार्बजनिक गरेको छ।

सार्बजनिक वित्तिय विवरण अनुसार बैंकले चालू आर्थिक वर्षको दोस्रो त्रैमाससम्म ३ अर्ब ४१ करोड ७६ लाख रूपैयाँभन्दा बढी खुद नाफा गरेको छ जुन गत वर्षको दोस्रो त्रैमाससम्मको तुलनामा करिब ५७ प्रतिशत बढी हुन् आउछ। कम्पनीले गत वर्ष यस अवधिसम्म २ अर्ब १८ करोड १४ लाख रूपैयाँभन्दा बढी खुद नाफा गरेको थियो ।

गत वर्षको तुलनामा यस बर्ष वितरणयोग्य नाफा भने घटेको छ ।गत वर्ष १ अर्ब ४५ करोड रूपैयाँभन्दा बढी रहेको वितरणयोग्य नाफा यस वर्ष ९७ करोड १३ लाख रूपैयाँमा झरेको हो। वितरणयोग्य नाफा घटे पनि कम्पनीको सञ्चालन नाफा भने ५६ प्रतिशत बढेको छ । गत वर्ष ३ अर्ब ११ करोड रूपैयाँभन्दा बढी सञ्चालन नाफा गरेको कम्पनीले यस वर्ष ४ अर्ब ८६ करोड रूपैयाँभन्दा बढी सञ्चालन नाफा गरेको हो ।

यस वर्ष ३ खर्ब ४७ अर्ब ४६ करोड रूपैयाँभन्दा बढी निक्षेप संकलन गरेको बैंकले ३ अर्ब ५१ करोड ६४ लाख रूपैयाँभन्दा बढी कर्जा प्रवाह गरेको छ । गत वर्ष १ दशमलव ११ प्रतिशत रहेको निष्क्रिय कर्जा यस वर्ष २ दशमलव ९८ प्रतिशत पुगेको छ ।

१८ दशमलव ५० प्रतिशत बोनस शेयर वितरण गरेको कम्पनीको चुक्तापूँजी २७ अर्ब ५ करोड ६९ लाख ९७ हजार रूपैयाँ पुगेको छ । त्यस्तै जगेडा कोष रकम २५ अर्ब ५७ करोड रूपैयाँभन्दा बढी छ । कम्पनीको  रिटेन्ड अर्निग १ अर्ब २४ करोड ५१ लाख रूपैयाँभन्दा बढी रहेको छ।

दोस्रो त्रैमाससम्म कम्पनीको प्रतिशेयर आम्दानी २५ रूपैयाँ ३३ पैसा रहेको छ भने प्रतिशेयर नेटवर्थ १९९ रूपैयाँ १२ पैसा छ ।