ज्योति विकास बैंक लिमिटेडले गत आर्थिक वर्ष ०७८/७९ को मुनाफाबाट कुल ६ दशमलव ८० प्रतिशत लाभांश वितरण गर्ने भएको छ ।

हाल कायम चुक्तापूँजी ४ अर्ब २६ करोड ७७ लाख ५३ हजारको आधारमा ३ प्रतिशत बोनस शेयर र कर प्रयोजन समेतका लागि ३ दशमलव ८० प्रतिशत नगद लाभांश वितरण गर्ने निर्णय पुस २२ गतेको कम्पनीको सञ्चालक समितिको बैठकले गरेको हो ।

यो लाभांश नेपाल राष्ट्र बैंकको स्वीकृतिपछि कम्पनीको आगामी वार्षिक साधारण सभाले पारित गरेपछि मात्र वितरण हुनेछ । गत वर्ष कम्पनीले ११ प्रतिशत बोनस शेयर र कर प्रयोजन समेतका लागि ४ दशमलव ५ प्रतिशत नगद लाभांश वितरण गरेको कम्पनीले यस बर्ष कम लाभांश वितरण गर्न लागेको हो।