कुमारी बैंकले शेयरमा आवेदन दिदा लिने सि-आश्बा शुल्क नलिने भएको छ।

बैंकले भदौ १ गतेदेखि लागू हुने गरी लगानीकर्ताले बैंकको कुनै पनि खाताबाट प्राथमिक शेयर, हकप्रद शेयर लगायतका विभिन्न धितोपत्रमा आवेदन दिँदा शुल्क नलाग्ने व्यवस्था गरेको हो । ग्राहकहरुको हित तथा पुँजीबजारमा जनमानसको बढ्दो सक्रियतालाई मध्यनजर गर्दै कुमारी बैंकले सो छुट ल्याएको हो ।

यसबाट नयाँ लगानीकर्तासँगै सम्पूर्ण खाताधारकहरू लाभान्वित हुने बैंककाे विश्वास छ । यसअघि बैंकले प्राथमिक शेयर, हकप्रद शेयरलगायतका विभिन्न धितोपत्रका आवेदकबाट २० रूपैयाँ सि-आश्बा शुल्क लिने गरेकाे थियाे । अन्य बैंकहरूले सि-आश्बा शुल्कवापत १० रूपैयाँदेखि १०० रूपैयाँसम्म लिने गरेका छन् ।

बैंकले हाल १९७ शाखा, १९१ एटीएम, ४९ शाखारहित बैंकिङ्ग इकाई तथा २४ एक्टेन्सन काउन्टर मार्फत अत्याधुनिक वित्तिय सेवा सुविधा दिँदै आएको छ । साथै, आगामी दिनमा पनि थप प्रभावकारी तथा ग्राहकमुखी सेवा विस्तार गर्दै जाने बैंकको प्रतिवद्धता छ ।