सामलिङ्ग पावर कम्पनी लिमिटेडले  बिहीबारदेखि सर्वसाधारणका लागि आईपीओ बिक्री खुला गरेको आईपीओमा आवेदनको ओहिरो लागेको छ।

आज साझ ५ बजे सम्म उक्त कम्पनीको आईपीओमा २ करोड ११  लाख  ३२ हजार ५ सय ७० कित्ताको लागि आवेदन परेको छ । यो सर्वसाधारणलाइ निष्कासन गरेको  भन्दा२८ दसमलव ९४ गुणा बढी हो। उक्त आईपीओमा १७ लाख ५८ हजार ४ सय ५० जना लगानीकर्ताले  २ करोड ११  लाख  ३२ हजार ५ सय ७० कित्ताको लागि आवेदन दिएका हुन्। यो संगै कम्पनीको आईपीओ पर्ने सम्भावना न्यून हुदै गएको  छ।

कुल आईपीओमध्ये दुई प्रतिशत अर्थात् १४ हजार ६०० कित्ता कर्मचारीहरुका लागि र पाँच प्रतिशत अर्थात् ३६ हजार ५०० कित्ता सामूहिक लगानी कोषका लागि छुट्याइएको छ । बाँकी ६ लाख ७८ हजार ९०० कित्ताका लागि सर्वसाधारणले आवेदन दिन सक्नेछन् ।

न्यूनतम १० कित्ता तथा अधिकतममा २० हजार कित्ताका लागि आवेदन दिन सकिनेछ । कम्पनीको धितोपत्र निष्कासन तथा बिक्री प्रबन्धक नेपाल एसबीआई मर्चेण्ट बैंकिङ लिमिटेड रहेको छ।  सर्वसाधारणले ८ कात्तिकसम्म आवेदन दिन सक्नेछन् ।

यस कम्पनीकोआईपीओलाई इक्रा नेपालले इक्राएनपी आईआर डबल बी माइनस रेटिङ्ग प्रदान गरेको छ। यसले कम्पनीले वित्तीय दायित्व पुरा गर्न सक्ने सम्बन्धमा मध्यम जोखिम रहेको संकेत गर्छ ।

सर्वसाधारणले नेपाल धितोपत्र बोर्डबाट स्वीकृति प्राप्त गरेका सम्पूर्ण सि-आस्बा सदस्य बैंक तथा वित्तीय संस्थाहरु तथा तिनका शाखा कार्यालयबाट आवेदन दिन सक्नेछन् ।