बागलुङ/ बलेवाको जनताधन माध्यमिक विद्यालयमा पढ्ने विद्यार्थी र शिक्षक गरी ३९ जनामा मंगलबार मात्रै कोरोना संक्रमण पुष्टि भएको छ ।

आइतबार र सोमबार नियमित कक्षा चलाएको उक्त विद्यालयका ३९ जनामा कोरोना संक्रमण पुष्टि भएपछि स्थानिय त्रसित भएको संचार माध्यमले लेखेका छन्।  यो संख्या भन्दा धेरै विद्यार्थीलाइ संक्रमण हुन सक्ने देखिएको छ।

स्वास्थ्य कार्यालय बागलुङले उक्त विद्यालयका ९८ जनाको स्वाब परीक्षण गर्दा ३९ जनामा संक्रमण पुष्टि भएको हो । उनीहरुसँगै पढेका अन्य विद्यार्थी बिदा मनाउन कता पुगेका छन् भन्ने विद्यालयमा जानकारी छैन ।

संक्रमणको जोखिम उच्च छ भनेर स्वास्थ्य मन्त्रालयले भनेपनि विद्यालय बन्द गर्ने नगरपालिकाले निर्णय नगरेपछि कोरोना अझै बढेर जाने अनुमान गरिएको छ ।