दशैँ, तिहार तथा छठलाई लक्षित गर्दै साल्ट ट्रेडिङ कर्पोरेसनको नारायणगढ शाखाले सहुलियत दरमा बिक्री गरिने खाद्यान्न तथा दैनिक उपभोग्य सामग्रीको मूल्यसूची सार्वजनिक गरेको छ।

सार्वजनिक मूल्यसूचीअनुसार चिनी प्रतिकिलो १०० रुपैयाँमा उपलब्ध हुने भएको छ। चाडपर्वका बेला घरायसी खर्च बढ्ने समयमा उपभोक्ताले चिनी, नुन, चामल, तेललगायतका सामग्री तोकिएको मूल्यमा खरिद गर्न सक्नेछन्। नारायणगढ शाखाको २०८३ असोज ११ गतेको मूल्यसूचीमा विभिन्न प्रकारका चामलदेखि चिउरा, मस्यौरा, मैदा, पिठो, मसला, साबुन र भुजासम्मका सामग्री समेटिएका छन्। सूचीमा उल्लेख भएअनुसार एक केजी चिनीको मूल्य १०० रुपैयाँ र एक केजी आयो नुनको मूल्य २४ रुपैयाँ छ। त्यस्तै, पाँच केजी भान्छाघर लङ्गग्रेन चामलको मूल्य ९२० रुपैयाँ तोकिएको छ।

साल्ट ट्रेडिङको मूल्यसूचीअनुसार २० केजी भान्छाघर लङ्गग्रेन चामल ३ हजार ४१५ रुपैयाँ, २५ केजी माईतीघर जिरा चामल २ हजार २५५ रुपैयाँ र २५ केजी मंगलम जिरा चामल २ हजार ४४० रुपैयाँमा उपलब्ध हुने उल्लेख छ। यसैगरी, २० केजी भान्छाघर सोनाम प्रिमियम चामलको मूल्य २ हजार ३१५ रुपैयाँ छ।

नारायणगढ शाखाको सहुलियत दरमा उपलब्ध सामग्रीको मूल्य विवरण यस प्रकार छ।

मूल्यसूचीमा चिनी र नुन खरिद गर्दा प्रति परिवार बढीमा ६ केजीसम्म मात्र उपलब्ध गराइने उल्लेख छ। त्यस्तै, तेल र चिउराका लागि प्रति परिवार बढीमा ५ केजी वा लिटरसम्मको सीमा तोकिएको छ। दशैँ–तिहारमा खाद्यान्न तथा दैनिक उपभोग्य वस्तुको माग बढ्ने भएकाले सहुलियत मूल्यमा सामग्री खरिद गर्न चाहने उपभोक्ताले साल्ट ट्रेडिङको शाखामा सम्पर्क गरी सामानको उपलब्धता बुझ्न सक्नेछन्।