साताको चौथो कारोबार दिन नेप्से परिसूचक दोहोरो अंकले घटेको छ।
आज नेप्से परिसूचक १९ दशमलव ६५ अंकले घटेको हो। आज बजार घटेर २ हजार ६ सय ३१ दशमलव ३२ बिन्दुमा पुगेको छ। आज दिनभरमा २३१ कम्पनीको शेयर खरिद बिक्रि भएको छ। आज कारोबार रकम भने हिज अस्ति भन्दा न्यून रहेको छ। आज कुल २ अर्ब ५७ करोडको शेयर खरिद बिक्रि भएको छ।
कारोबारमा आएका कम्पनि मध्य ६२ कम्पनीको शेयर मूल्य बढेको छ भने १ सय ५५ कमपनिको शेयर मूल्य घटेको छ। त्यस्तै १४ कम्पनीको शेयर मूल्य यथावत रहेको छ। होटेल र पर्यटन , म्युचल फण्ड र निर्जीवन बिमा बाहेका सबै उपसुचकमा गिरावट आएको छ। अन्य उपसुचक सबै भन्दा बढी घटेको छ भने होटेल र पर्यटन सबै भन्दा बढीले बढेको छ।
आजपनि इमर्जिङ नेपाल लिमिटेडको शेयरमूल्यमा सकरात्मक सर्किट लागेको छ । अघिल्लो कारोबार दिनको तुलनामा ९ दशमलव ९८ प्रतिशत वृद्धि भएसँगै सकारात्मक सर्किट लागेको हो । सकारात्मक सर्किटलागेर कम्पनीको शेयरमूल्य प्रतिकित्ता रू. ४७२ दशलमव ६० पुगेको छ । त्यस्तै मैलुंग खोला जलविद्युतको शेयर मूल्य ६ दशमलव १३ प्रतिसतले बढेको छ।
आज कारोबारमा आएका मध्य युनाइटेड इदी मार्दीको शेयर मूल्य सार्बधिक ४ दशमलव ९२ अंकले घटेको छ। उक्त घटाईसंगै कम्पनीको शेयर मूल्य प्रति कित्ता ८६५ दशमलव २० रुपैयाँ कायम भएको छ। त्यस्तै नेपाल टेलिकमको शेयर मूल्य ३ दशमलव ५७ प्रतिसतले घटेको छ। बोनस शेयरको घोसणापछि टेलिकमको शेयर मूल्य लगातार घटेको हो।
कारोबार रकममा १६ करोड ३६ लाखको कारोबार सहित नेपाल टेलिकम अग्र स्थानमा रहेको छ भने १२ करोड २४ लाखको कारोबार सहित गरिमा बिकास बैंक दोस्रो स्थानमा रहेको छ।