साताको तेस्रो कारोबार दिन मंगलवार शेयर बजार दोहोरो अंकले घटेको छ।
आज नेप्से १७ दशमलव १५ अंकले घटेर १ हजार ६ सय ५० दशमलव ९७ अङ्कमा झरेको छ। आज दिनभर २२९ कम्पनीको ६५ लाख २९ हजार २६ किता शेयर खरिद बिक्री भएको छ। आज कुल ४६ हजार २ सय ८७ कारोबरामा ३ अर्ब ३६ करोड बढीको शेयर खरिद बिक्रि भएको छ।
आज इमर्जिङ नेपालको शेयरमूल्यमा सकरात्मक सर्किट लागेको छ। कम्पनीको शेयरमूल्य अघिल्लो कारोबार दिनको तुलनामा ९ दशमलव ९८ प्रतिशत वृद्धि भएसँगै सकारात्मक सर्किट लागेको हो । सकारात्मक सर्किटलागेर कम्पनीको शेयरमूल्य प्रतिकित्ता रू. ४२९ दशलमव ७० पुगेको छ ।
त्यस्तै आज सगरमाथा इन्सोरेन्स , सोल्टी होटेल र युनाइटेड इदी मार्दी आर बि हाइड्रोपावरको शेयरमूल्य ५ प्रतिसत भन्दा बढीले बढेको छ।
आज लाभांस घोसणा गरेको नेपाल टेलिकमको शेयर मूल्य सार्बधिक घटेको छ। आज कम्पनीको शेयरमूल्य ५ दशमलव १३ प्रतिसतले घटेर १६ सय २५ रुपैयाँमा झरेको छ।
कारोबार रकममा नेपाल टेलिकम अग्र स्थानमा रहेको छ। आज कम्पनीको कुल ३४ करोड बढीको शेयर कारोबार भएको छ। त्यस्तै १२ करोडको कारोबार सहित अपि पावर दोस्रो स्थानमा रहेको छ।