सानिमा बैंकको लाभांश सुरक्षित गर्ने आज बिहीबार अन्तिम दिन रहेको छ । सानिमाले साधारणसभा तथा लाभांश वितरण प्रयोजनका लागि ७ कात्तिक आइतबार बुक क्लोज गर्दैछ ।

बैंकले लाभांश प्रस्ताव पारित गर्न १४ कात्तिकमा आम्रापाली ब्याङ्क्वेट, बालुवाटार काठमाडौंमा १७औं वार्षिक साधारणसभा आह्वान गरेको छ। सो सभा बिहान ११ बजे भिडियो कन्फ्रेन्स मार्फत शुरु हुनेछ ।

सभामा सहभागी हुन इच्छुक सेयरधनीहरूलाई जुम आईडी र पासवर्ड उपलब्ध गराउने व्यवस्था पनि गरिएको छ । सभाले हाल कायम चुक्ता पुँजीको १७ प्रतिशत बोनस सेयर र सोको कर प्रयोजनार्थ शून्य दशमलव ८९ प्रतिशत नगद लाभांश वितरण गर्ने विशेष प्रस्ताव पारित गर्नेछ।

साथै, अन्य उपयुक्त बैंक तथा वित्तीय संस्थासँग मर्जर अथवा एक्विजिसनसम्बन्धी कार्य गर्न सञ्चालक समितिलाई अख्तियारी दिनेलगायतका प्रस्तावहरू पारित गर्नेछ । प्रबन्धपत्र तथा नियमावली संशोधन गर्ने, प्रबन्धपत्र तथा नियमावली संशोधन गर्ने लगायतका एजेन्डा छन् ।