साताको दोस्रो कारोबार दिन सोमवार नेप्से परिसूचक सामान्य अंकले बढेको छ।

आज नेप्से परिसूचक  १ दशमलभ ५४  अंकले बढेर २ हजार ५ सय ४४  बिन्दुमा पुगेको छ । आज कारोबार रकम भने  २ अर्ब ६० करोड मात्र रहेको छ जुन अघिल्लो दिनको तुलनामा एकदम कम हो।

आज दिनै भरिमा २३० कम्पनीको शेयर खरिद बिक्री भएकोमा ६५ कम्पनीको शेयर मूल्य मात्र बढेको छ साथै ८ कम्पनीको भने यथावत रहेको छ । त्यस्तै अन्य कम्पनीको शेयर मूल्य भने घटेको छ।  शिवम् सिमेन्टको सबै भन्दा धेरै शेयर खरिद बिक्री भएको छ।

आज दिनभरमा भएको कारोबारमा  बुद्धभुमि हाइड्रोपावरको शेयर मूल्य सार्बधिक बढेको छ।  त्यस्तै बोटलर्स नेपाल  ( तराइ ) लिमिटेड , सामुदायिक लघुवित्त र इमर्जिङ्ग नेपालको शेयर मूल्य ४ प्रतिसत बढीले बढेको छ।

आज दिनभरमा भएको कारोबारमा पांचथर पावर  लिमिटेडको शेयर मूल्य सार्बधिक घटेको छ भने पंचकन्या माइ पावर लिमिटेड र कर्पोरेट डेवलपमेंट बैंकको ४  प्रतिसत भन्दा बढीले घटेको छ।