जापानमाथि १४४ रनको जित हात पार्दै नेपालले यू-१९ एसिया कपमा स्थान बनाएको छ ।
वर्षाले प्रभावित सेमिफाइनलमा जापानलाई डकवर्थ लेविस पद्दतिमा १ सय ४४ रनले पराजित गर्दै नेपाल फाइनलमा प्रवेश गरेको छ । फाइनलमा पुगेसँगै नेपालले एसिया कपमा स्थान बनाएको हाे। नेपाल २५ ओभरमा २ विकेट गुमाएर १ सय ४० रनको स्थितिमा रहँदा वर्षाले खेल बाधक बनाएको थियो । त्यसपछि लामो समय वर्षा हुँदा जापानले २२ ओभरमा जितका लागि १ सय ८७ रनको लक्ष्य पाएको थियो ।
लक्ष्य पछ्याएको जापान ११.५ ओभरमा ४३ रनमा समेटियो। नेपालका लागि हेमन्त धामी र दीपेश कंडेलले ३-३ विकेट लिए । सुभाष भण्डारीले २ र आकाश चन्दले १ विकेट हात पारे ।
एसीसी यू-१९ प्रिमियर कपको फाइनल प्रवेशसँगै नेपालले यू–१९ एसिया कपमा स्थान बनाएको छ। अब २ महिनापछि हुने एसिया कपमा नेपालले यूएई, भारत र पाकिस्तानसँग खेल्नेछ।
प्रतिक्रिया
सम्बन्धित खवर
नेपाली टिमलाई मुरी मुरी धन्यबाद।
अब नेपालले क्रीकेट र फुटबलमा बिश्वकप खेल्नु पर्छ र जित्नु पनि पर्छ