सिप (SIP) एक लगानी योजना हो जसमा थोरै थोरै रकम गरेर लगानी गर्न सकिन्छ।

यस योजना मार्फत म्युचुअल फन्डमा थोरै थोरै गरेर सजिलै लगानी गर्न सकिन्छ। कसैको मासिक आम्दानी कम भएमा पनि यसमा लगानी गर्न सक्नेछन्। यस योजना अन्तर्गत साप्ताहिक, मासिक, त्रैमासिक, अर्धवार्षिक र वार्षिक अन्तरालहरूमा लगानी गर्न सकिन्छ।

SIP पैसा बचत गर्ने उत्तम तरिका हो, यसले लगानीकर्तालाई कुनै प्रकारको बोझ दिदैन। आफ्नो आम्दानी अनुसार लगानी गरेर राम्रो प्रतिफल प्राप्त गर्न सकिन्छ। वर्तमान समयमा पैसा बचत धेरै महत्त्वपूर्ण रहेको हुदा , यसले आपतकालीन अवस्थामा मद्दत गर्दछ।

SIP को फाइदाहरू

SIP मा लगानी गर्नुका धेरै फाइदाहरू छन। जोखिम लिन डराउनेहरूको लागि, यो राम्रो विकल्प हो। एसआईपीमा कम्पाउन्डिङको फाइदा पाइन्छ, लामो समयसम्म लगानी गर्ने हो भने नाफा बढी हुन्छ । यदि बजारमा प्रतिफल बढ्दै छ भने तपाईले SIP मा लगानी बढाउन सक्नुहुन्छ। जब बजार घट्छ तपाइले चाहेमा SIP रोक्न पनि सक्नुहुन्छ र  यदि बजार फेरि सुधार भयो भने, तपाईले SIP फेरि सुरु गर्न सक्नुहुन्छ।

SIP मा जोखिम 

हरेक कुरामा पैसा लगानी गर्दा केही जोखिम हुन्छ, त्यसैगरी यहाँ पनि केही जोखिम हुने सम्भावना हुन्छ । SIP सानो कोषबाट सुरु गर्न सकिन्छ, त्यसैले यसमा उच्च जोखिमको सम्भावना पूर्ण रूपमा समाप्त हुन्छ।  SIP मा लगानी गर्दा घाटामा चलिरहेको कम्पनी परेमा र नाफा कमाउन नसकेमा पैसा डुब्ने सम्भावना बढ्छ । SIP मा लगानी छोटो अवधिको लागि गरेमा घाटा हुन सक्छ। लामो समयसम्म लगानी गर्दा घाटा हुने सम्भावना कम हुन्छ । यदि चलिरहेको SIP दुई-तीन महिनामा टुटेको छ भने, SIP प्रक्रिया पूरा नगर्दा घाटा हुन सक्छ। कम्पनीमा अचानक संकट आयो भने घाटा हुन सक्छ ।

कम औसत लागत

SIP को मुख्य फाइदाहरू मध्ये एक लागत औसत हो। तपाईंले लगानी गरेको रकम लामो अवधिको लागि स्थिर रहने भएकोले, औसत लागतमा तपाईंले बजारको अस्थिरताको अधिकतम फाइदा उठाउन सक्नुहुन्छ। तपाईले लगानी गर्न रोज्नु भएको निश्चित रकमको अर्थ तपाईको SIP ले प्रत्येक एकाइको मूल्य औसत निकाल्नेछ। तसर्थ, तपाईले बजार तल भएपछि धेरै इकाईहरू र बजार माथि हुँदा थोरै इकाईहरू किन्न सक्नुहुन्छ। अन्ततः, यसले प्रति इकाई तपाईंको औसत लागत घटाउनेछ।

कसरि लगानी गर्ने ?

नेपालमा अहिले SIP मा लगानी गर्न निकै सजिलो छ। धेरै जस्तो क्यापिटलहरुले अहिले SIP योजना संचालन गरि रहेका छन्। तपाइले उनीहरुको वेवसाइटबात सजिलै आफुलाई अनुकुल पर्ने SIP योजना खरिद गर्न सक्नु हुने छ। सिद्धार्थ क्यापिटल , एनएमबि क्यापिटल , एनआईबिएलएस क्यापिटल ,आदिले नेपालमा SIP योजना संचालनमा ल्याएका छन्।