भारतले गरेको महाकाली नदीमा हस्तक्षेपको विरोधमा काठमाडौंस्थित भारतीय दूतावास अगाडि प्रदर्शन भएको छ ।

अखिल क्रान्तिकारीले बुधबार भारतीय दूतावासअगाडि विरोध प्रदर्शन गरेको हो । साथै माइतीघरमा अखिल क्रान्तिकारीले भारतीय प्रधानमन्त्री नरेन्द्र मोदीको तस्बिरसमेत जलाएका छन् ।

सानो संख्यामा उपस्थित प्रदर्शनकारीहरुले भारतीय विस्तारवादको विरोध गर्दै तत्काल अनधिकृत निर्माण कार्य रोक्न माग गरेका थिए। भारतीय पक्षले नदीको धार परिवर्तन र अनधिकृत संरचना निर्माण गरेपछि दार्चुलावासीले प्रतिकार गरेका थिए। त्यसक्रममा भारतीय पक्षको ढुंगामुढाबाट केही नेपाली घाइते भएका छन्। नेपाल सरकारले पनि यो घटनालाई लिएर भारत सरकारलाई कुटनीतिक नोट पठाइसकेको छ।