NICSF 8.73 -0.17 SAEF 10.27 -0.03 ULBSL 2065 79 PMLI 495 2 WNLB 1492 3 SAHAS 511 -4 SLBBL 821 4 BFC 496 5.1 NBL 206 -1.8 CFCL 485.1 9.1 EBL 522 -0.9 SRLI 433.1 4 NLIC 584 -1.7 MNBBL 345.5 2.4 RADHI 255.1 0.1 BHL 347 4.1 SBI 290 -3 NLG 762 14 MEN 582 -3 HBL 175 2 SHL 424.5 3.5 GILB 1395 -15 HPPL 280 1 NHDL 528.9 8.9 UPCL 190 1.7 HIDCL 159.1 0.6 CIT 2099 4 GBLBS 789 7 NYADI 328 18 FMDBL 668 6 NIMB 154 0.3 FOWAD 1251 -8 NABBC 563 18 DDBL 788 0 NICGF 9.58 -0.09 MLBS 1360 3.5 SAPDBL 384 5 NICLBSL 643 -2 GIBF1 8.21 -0.16 SKBBL 810 2
×
नेपाली विद्यार्थीले एक वर्षमा अमेरिकालाई बुझाए ५० अर्ब रुपैयाँ



नेपाली विद्यार्थीले एक वर्षमा अमेरिकालाई ५० अर्ब रुपैयाँ बुझाएको पाइएको छ ।

उनीहरुले अमेरिकामा अध्ययन गर्नको लागि उक्त रकम आर्थिक वर्ष सन् २०२१/२२ मा बुझाएको इन्स्टीच्युट अफ इन्टरनेसनल एजुकेसन (आइआइई) र अमेरिकी विदेश मन्त्रालयको ब्यूरो अफ एजुकेसन एन्ड कल्चरल अफेयर्सले जारी गरेको ‘ओपन डोर्स रिपोर्ट २०२१/२२’ मा खुलासा गरिएको हो ।

हालै सार्वजनिक गरिएको उक्त रिपोर्टमा गत आर्थिक वर्ष २०२१/२२ मा नेपाली विद्यार्थीले ३८ करोड ४० लाख अमेरिकी डलर (५० अर्ब ७ करोड रुपैयाँ) अमेरिकी अर्थतन्त्रमा योगदान गरेको उल्लेख छ ।

रिपोर्ट अनुसार उक्त वर्ष ११ हजार ७९९ जना नेपाली विद्यार्थी अमेरिकाका विभिन्न सहरमा अध्ययनरत थिए । ती विद्यार्थीले ५० अर्ब रुपैयाँ बरारबको शैक्षिक शुल्क अमेरिकाका विभिन्न विश्वविद्यालय र कलेजलाई बुझाएका हुन् ।

आर्थिक वर्ष २०२१/२२ मा कुल ९ लाख ४८ हजार ५१९ जना अन्तर्राष्ट्रिय विद्यार्थी अमेरिकामा अध्ययनरत थिए । शैक्षिक शुल्क वापत ती विद्यार्थीबाट अमेरिकाले ३२ अर्ब अमेरिकी डलर प्राप्त गरेको रिपोर्टमा उल्लेख गरिएको छ ।

गत आर्थिक वर्ष अन्तर्राष्ट्रिय विद्यार्थीबाट अमेरिकाले उठाएको कुल रकमको १.२ प्रतिशत हिस्सा नेपाली विद्यार्थीले बुझाएका थिए ।

अमेरिकामा गत वर्ष अध्ययनरत अन्तर्राष्ट्रिय विद्यार्थीको सूचिमा नेपाल १२औं नम्बरमा रहेको छ । अर्थात अमेरिकामा अध्ययनरत अन्तर्राष्ट्रिय विद्यार्थीमा १२औं ठूलो संख्या नेपालीको छ ।

अघिल्लो आर्थिक वर्षको तुलनामा गत आर्थिक वर्ष अमेरिकामा अध्ययनरत नेपाली विद्यार्थीको संख्या ५.६ प्रतिशतले वृद्धि भएको रिपोर्टमा जनाइएको छ ।

अमेरिकामा अध्ययनरत सबैभन्दा बढी अन्तर्राष्ट्रिय विद्यार्थीमा क्रमसः चीन, भारत, दक्षिण कोरिया, क्यानडा, भियतनाम, ताइवान, साउदी अरेबिया, ब्राजिल, मेक्सिको, नाइजेरिया, जापान र नेपालका रहेका छन् ।

ओपन डोर्स रिपोर्ट–२०२१/२२ अनुसार आर्थिक वर्ष २०१२/१३ मा ८ हजार ९२०, २०१३/१४ मा ८ हजार १५५, २०१४/१५ मा ८ हजार १५८, २०१५/१६ मा ९ हजार ६६२, २०१६/१७ मा ११ हजार ६०७, २०१७/१८ मा १३ हजार २७०, २०१८/१९ मा १३ हजार २२९, २०१९/२० मा १२ हजार ७३० र २०२०/२१ मा ११ हजार १७२ जना नेपाली विद्यार्थी अमेरिकामा अध्ययनरत थिए ।

प्रतिक्रिया
Subscribe
Notify of
guest
0 Comments
इनलाइन प्रतिक्रियाहरू
सबै टिप्पणीहरू हेर्नुहोस्


साताको चर्चित
ताजा समाचार

लोकप्रिय
सिफारिस