बिन्ध्यबासिनी हाइड्रोपावरको आईपीओ परेका लगानीकर्तालाई शेयर कहिले सूचीकरण होला भन्ने चासो रहेको छ।

लगानीकर्ताको सोहि चासो मेटाउन आज हामिले बिक्री प्रबन्धक सानिमा क्यापिटल लिमिटेडसँग कुरा गरेका छाैँ । हाम्रो प्रश्नमा बिक्री प्रबन्धकले  सम्पूर्ण प्रक्रिया पुरा गरेर यसै साता नेप्सेमा सूचीकरण हुने जानकारी गराएको छ।

त्यस्तै कम्पनीले प्रकासन गरेको वित्तिय विवार्रण अनुसार कम्पनीको बास्तबिक प्रतिशेयर नेटवर्थ १०१.६५ रहेको छ।  नेप्सेले कम्पनिको ओपनिङ्ग रेञ्ज नेटवर्थको ३ गुणा सम्म तोक्ने भएको हुदा बिन्ध्यबासिनी हाइड्रोपावरको ओपनिङ्ग रेञ्ज १०१.६५ देखि ३०४.९५ रुपैया सम्म हुने छ।

कम्पनीले जेठ २० गतेदेखि जेठ २५ गतेसम्म प्रतिशेयर रू. १०० अंकित मूल्यका १५ लाख कित्ता आईपीओ निष्कासन गरेको थियो । कम्पनीको आईपीओ सहि तरिका बाट आवेदन दिने १ लाख ३६ हजार ५ सय जनाले १० कित्ताका दरले हात पारेका छन् भने बाकि लगानिकर्ता को हात खालि रहेको छ।

आईपीओ निष्कासनका लागि गराएको रेटिङ मा कम्पनीलाई केयर रेटिङ नेपालले दायित्व बहन गर्ने क्षमतामा मध्यम जोखिम रहेको संकेत गर्ने केयर एनपी डबल बी प्लस आईएस रेटिङ प्रदान गरेको छ ।