नेपाल आयल निगमले पेट्रोलियम पदार्थको मूल्य फेरी पनि वृद्धी गरेको छ ।
भारतबाट मूल्य बढेर आएको कारण निगमको सञ्चालक समितिको बैठकले डिजेल तथा मट्टीतेलमा प्रतिलिटर २७ रुपैयाँले र पेट्रोलमा प्रतिलिटर २१ रुपैयाँले मूल्य वृद्धि गरेको हो । बढेको मूल्य असार ५ गते राति १२ बजेदेखि लागु हुने निगमले जनाएको छ ।
मूल्य वृद्धी सँगै एक लिटर पेट्रोलको मूल्य १९९ रुपैयाँ पुगेको छ भने यसैगरी एक लिटर डिजेल र मट्टीतेल किन्न १९२ रुपैयाँ तिर्नुपर्ने छ ।निगमले हवाई इन्धनमा पनि आन्तरिक तर्फ १९ रुपैयाँले वृद्धि गरी १८५ रुपैयाँ प्रतिलिटर पुर्याएको छ । हवाई इन्धनको बाह्यतर्फ भने १०० अमेरिकी डलरले मूल्यवृद्धि गरिएको छ ।
त्यस्तै खाना पकाउने ग्याँसको मूल्य भने यसपटक नबढाइएको नेपाल आयल निगमले जनाएको छ । यो मूल्य वृद्धी गर्दा पनि निगमले १ महिनामा करिब ४ अर्ब ७० करोड घाटा हुने जनाएको छ। त्यस्तै आयल निगमले विद्युतीय सबारी साधन प्रयोग गर्न जोड दिएको छ।