असार १ गतेदेखि आमरण अनशन सुरु गर्ने बताएका पूजी बजार संघर्ष समितिका संयोजक तिलक कोइरालाले प्रहरीद्वारा हस्तक्षेप भएपछि आजबाट आमरण अनशन सुरु भएको घोषणा गरेका छन् ।

नेप्से घेराउ गर्न पुगेका समितिका संयोजक तिलक कोइराला,नवराज उप्रेती ,नानीबाबु खरेल , सिताराम सन्जेल,पासाङ शेर्पा ५ जनालाई सिहदरबार प्रहरी वृत्तमा राखिएको छ । नेप्से पुगेका लगानीकार्ता माथि प्रहरीको हस्तक्षेप गरेर प्रदर्शन गर्न नदिएसँगै उनीहरुले माइतीघरमा पुगेर प्रदर्शन गरेका छन् । उनीहरुले पक्राउ परेका लगानीकर्ताको रिहाईको माग गर्दै प्रदर्शन गरेका हुन् ।

नेप्से अगाडि प्रदर्शन गर्न गएका लगानीकर्तालाई प्रहरीले निषेधित क्षेत्रमा प्रदर्शन गर्न नपाइने बताउदै उनीहरुलाई पक्राउ गरेको थियो । माइतिघरमा अहिले भइरहेकाे आन्दाेलनमा सेयर लगानीकर्ताहरूकाे एउटा नारा गुञ्जिएकाे छ । लगानीकर्ताले “अयोग्य गभर्नर राजिनामा दे !” भन्दै नारा लगाइरहेका छन् ।