पोखरामा भएको विमान दुर्घटनामा पाइलटले  बस्ती जोगाउन हरसम्भव प्रयास गरेको देखिएको छ ।

“विमान हल्लिँदै आयो । विमान अलि आउट अफ ट्रयाक गए जस्तो लागिरहेको थियो । हल्लिएको हो वा यस्तै हुने हो भन्ने मलाई थाहा भएन । सामान्य विश्लेषणमा विमान सीधा आउनु पथ्र्यो जस्तो लाग्छ । तर, त्यसो नभएर विमान पुरानो विमानस्थल तिर गयो । विमान गएतिर घना बस्ती थियो । अहिले यसो हेर्दा मलाई बस्ती जोगाउन पुरानो विमानस्थलतिर गए जस्तो लाग्छ । त्यही क्रममा सेतीको खाेँचमा खसे जस्तो लाग्छ । ” प्रत्यक्षदर्शीले भने।

ल्याण्ड गर्नका लागि मोडिएको विमान घनाबस्ती माथि उडिरहेको थियो ।  तर पाइलटले अर्को दुर्घटना हुन् बाट जोगाउन बस्ति बाट टाढा लाने प्रयास गरेकको बुझिएको छ।

‘विमान एक मिनेट मात्रै ढिला दुर्घटना परेको भए पुरानो विमानस्थल माथि खस्ने थियो , एक मिनेट मात्रै थप अघि बढेको भए रामघाट बजार माथि जहाज बजारिने थियो । ’ एक उद्धारकले भने।

अर्का एक प्रत्यक्षदर्शीका अनुसार प्लेनको पखेटा तलमाथि भएर आएको थियो । ‘हामी ३ जनासँगै थियौं । पाइलटले सेफ ठाउँ खोज्दा खोचमा खस्यो’ उनले थपे, ‘पाइलटले बस्ती जोगाउन विमान सेती खोंचतिर लगेर अर्को दुर्घटना जोगाउन हरसम्भव प्रयास गरेको देखियो ।’

विमानको ट्रयाकिङ्ग