जाल्पा सामुदायिक लघुवित्त वित्तीय संस्था लिमिटेडले निस्कासन गरेको आईपीओमा आवेदनको ओहिरो लागेको छ।

आज साझ  ५ बजे सम्म  कम्पनीको आईपीओमा २६  लाख ५९ हजार ५  सय ४० लगानीकर्ताले ३ करोड २५  लाख २०  हजार ५  सय ८०  कित्ताको लागि आवेदन दिएका छन । जुन कम्पनीले सर्बसाधारणलाइ निस्कासन गरेको ४ लाख ८७ हजार ९०० कित्ता भन्दा  गरेको भन्दा  ६६.६५ गुणा बढी आवेदन हो । यो आवेदनलाई हेर्ने हो भने पनि कम्पनीको शेयर पर्ने सम्भावना न्यून देखिन्छ।

यहि आवेदनको तुलना गर्नेहो भने १०० जना आवेदक मध्य १.८ जनाले मात्र शेयर हात पर्ने देखिन्छ तर यो अन्तिम तथ्यांक भने होइन। आवेदकको तथ्यांक हेर्दा जम्मा १.८ प्रतिसतले १० कित्ता शेयर हात पर्न सफल हुने देखिन्छ भने बाकिको हात खालि रहने छ। ५ महिना सम्म कुनैपनि आईपीओ निष्कासन नभएको र धेरै नयाँ लगानीकर्ता थपिएको कारण बढी आवेदन परेको जानकारहरु अताउछन।

संस्थाले ५ करोड २२ लाख रुपैयाँ बराबरको ५ लाख २२ हजार कित्ता आईपीओ जारी गरेको हो । लघुवित्तले निष्काशन गरेको को कुल ५ लाख २२ हजार कित्ता शेयरमध्ये ०.५ प्रतिशत अर्थात ८ हजार कित्ता कर्मचारीहरुलाई र सर्वसाधारणलाई छुट्याइएको शेयरमध्येको ५ प्रतिशत अर्थात २६ हजार १०० कित्ता सामूहिक लागनी कोषहरुलाई सुरक्षित गरेको छ ।

लगानीकर्ताले आईपीओमा छिटोमा माघ २५ गते र ढिलोमा फागुन ६ गतेसम्म आवेदन दिन सक्ने भने पनि माग भन्दा बढी आवेदन परेको हुदा आजनै आवेदन बन्द भएको छ।

आईपीओ निष्काशन तथा बिक्री प्रवन्धक प्रभु क्यापिटल लिमिटेड रहेको छ। इच्छुक आवेदकले सि–आस्वा सदस्य बैंक तथा वित्तीय संस्था र मेरोशेयर वेबसाइट तथा एप मार्फत आवेदन दिन सक्ने व्यबस्था रहेको थियो।

आईपीओ निष्काशनका लागि गराएको क्रेडिट रेटिङ्गमा इक्रा रेटिङ्ग नेपालले लघुवित्तलाई इक्रा एनपी आईआर डबल बि रेटिङ्ग प्रदान गरेको छ। यसले समयमै वित्तीय दायित्व पुरा गर्न सक्ने सम्बन्धमा मध्यम जोखिम रहेको संकेत गर्दछ।

हाल लघुवित्तको चुक्ता पूँजी १० करोड ७८ लाख रुपैयाँ छ। आईपीओ बाँडफाँटपश्चात लघुवित्तको चुक्ता पूँजी १६ करोड पुग्नेछ। संस्थाले ग्रामीण एंव शहरी क्षेत्रमा बसोबास गर्ने विपन्न तथा न्युन आय भएका समुदायका व्यक्तिहरुलाई वित्तीय सेवामा पहुँच अभिवृद्धि गराई, स्वरोजगार सृजना गर्दै सम्मृद्ध समाज निमार्ण गर्ने लक्ष्य लिएको छ ।