काठमाडौं, २ साउन । राष्ट्रिय प्रजातन्त्र पार्टी अख्तियार दुरूपयोग अनुसन्धान आयोग पछि सम्पत्ति शुद्दीकरण बिभाग पुगेको छ ।

राप्रपाले २०४६ साल पछिका उच्च पदस्थ राजनीतिक, प्रशासनिक नेतृत्वको सम्पत्ति छानविन गर्न आज सम्पत्ति शुद्धीकरण अनुसन्धान विभागको ध्यानाकर्षण गराएको हो ।

राप्रपाले आफ्नो एजेण्डा बनाउदै र प्रमुखताका साथ उठाउदै आएको यो विषयलाई आज औपचारिक रुपमा सम्पत्ति शुद्धीकरण विभागमा प्रवेश गराएको प्रचार बिभाग प्रमुख मोहन श्रेष्ठले जानकारी दिए ।

उनका अनुसार राप्रपा अध्यक्ष राजेन्द्र लिङ्देन नेतृत्वको प्रतिनिधिमण्डल आज आयोगको कार्यालय हरिहरभवन पुगेर विभागका महानिर्देशक सुमन दाहाललाई मागपत्र बुझाएका हुन ।

सम्पत्ति छानविन गर्न माग गर्ने नेपालका राजनीतिक दल मध्ये सम्भवतः राप्रपा पहिलो दल भएको पनि उनको दावी रहेको छ ।