RFPL 435 -25 TSHL 621 -39 EBLD85 1072 0 SANIMA 320.5 0.5 HRL 663.8 -13.2 NIMBPO 174 -6.9 MAKAR 487 -23 MEHL 382 -14.8 SBID89 984 -2 NICFC 9.9 0.13 DLBS 1350.9 -42.4 NUBL 790 -27 SHPC 406 -7 NLG 904.6 19.6 SFMF 10.77 0.02 JSLBB 1580 -22 LVF2 9.05 -0.03 HURJA 242 -6.4 UNHPL 284 -15 GBBL 435 -9.1 IHL 523 -9 MND84/85 956.5 0.5 C30MF 8.91 -0.54 NICL 965 -15 MLBBL 1459.9 -29.1 NWCL 1056 -23.1 HATHY 1272 85.1 SAPDBL 459.3 -0.7 CCBD88 1074.8 -21.9 SKBBL 937 -6 UNLB 2220 -15 CFCL 600 -8 NICLBSL 780 -24 MKJC 593.1 -9.9 NMB 247.9 -5 SRLI 518 -12 NMBMF 799 -21 SICL 844.9 -3.9 ENL 1326 -18 UHEWA 550 -17
×
सहकारी बन्द हुँदा बचतकर्ता समस्यामा



रासस। दाङ तुलसीपुरस्थित शिव शिखर बहुउद्देश्यीय सहकारी संस्थाको शाखा कार्यालय बन्द हुँदा सेवाग्राही समस्यामा परेका छन् ।

एक महिनादेखि बन्द भएको सो सहकारीको शाखा कार्यालयमा रकम झिक्न दिनदिनै बचतकर्ता पुग्ने गरेका छन् । सोही सहकारीमा तुलसीपुरको बिपी चोकका फलफूल व्यवसायी तुलसी नेपालीको एक लाख २७ हजार बचत छ । उनले अब त्यो पैसा पाउने आशा मरिसकेको बताउँछन् । ‘एक महिना भयो सहकारी बन्द भएको, फोन गर्छौ दुई-चार दिनमा खुल्छ भन्न लागेको धेरै भइसक्यो’, उनले भने, ‘साहुलाई पैसा तिर्नुपर्ने थियो, निकै गाह्रो भएको छ ।’

शिव शिखरमै तुलसीपुर–५ जेसिजचोकमा फलफूल व्यवसाय गर्ने चन्द्रकली विकको ६० हजार बचत छ । त्यही बचत फिर्ता लैजानका लागि पटक–पटक कार्यालय पनि पुगे । तर कसैलाई पनि भेटाएका छैनन् । फोन गर्दा एक वर्ष पुगेपछि फिर्ता गर्छौँ भन्ने जवाफ आउने गरेको उनी बताउँछन् । ‘अफिसमा गए कोही भेटिनु हुन्न’, उनले भने, ‘फोन गर्दा साउनमा दिन्छौं, भन्नुहुन्छ ।’

उनी बिरामी पनि छन् । त्यही पैसा आएपछि शल्यक्रिया गर्ने सोच बनाएको उनी बताउँछन् । तुलसीपुरका फेन्सी व्यवसायी अशोक भण्डारीले पनि रु छ हजार सो सहकारीमा बचत गरेका छन् । त्यही रकम लैजानका लागि धेरै पटक कार्यालयमा धाएको उनको भनाइ छ । ‘पसिना बगाएर कमाएर पैसा हो’, उनले भने, ‘दुःख गरेर बचत गरेको पैसा किन नपाइएको हो, हामीलाई निकै समस्या भयो ।’ उक्त सहकारीको ‘मार्ट’ पनि सञ्चालनमा रहेकाले त्यही मार्टबाट आवश्यक सामग्री लिएर बचत रकम कटाउन खोजे पनि त्यो पनि नमान्ने गरेको उनको गुनासो छ ।

आर्थिक मन्दिका कारण बचतकर्ताको बचत फिर्ता गर्न नसकिएको जनाउँदै गएको माघ २७ गते उक्त सहकारीको तुलसीपुर शाखा केही समयका लागि बन्द गर्ने भनी सूचना प्रकाशित गरिएको थियो । अर्को सूचना प्रकाशनमा नआएसम्म बन्द रहने जानकारी गराइएको थियो । बन्द भएको एक महिनासम्म पनि सो सहकारीको सेवा पुनःसञ्चालन हुन सकेको छैन ।

प्रतिक्रिया
Subscribe
Notify of
guest
0 Comments
इनलाइन प्रतिक्रियाहरू
सबै टिप्पणीहरू हेर्नुहोस्


साताको चर्चित
ताजा समाचार

लोकप्रिय
सिफारिस