पर्यटन, संस्कृति, नागरिक उड्डयनमन्त्री सुदन किरातीले दान पेटिकामा संकलन भएको रकम शिक्षा क्षेत्रमा लगानी गर्ने बताएका छन् ।

उनले आफूलाई बधाई दिन आउनेहरुलाई खादा र माला नलिई आउन र त्यसको साटो मन्त्री निवास र आफ्नो कार्यकक्षमा सहयोग पेटिका राख्ने र त्यसमा रकम सहयोग गर्न आग्रह गरेका थिए। अहिले उनले दान पेटिका बन्द गरिएको जानकारी दिंदै आफ्नो एक महिनाको तलबसमेत थपेर दुर्गमको विद्यालयलाई सहयोग गर्ने घोषणा गरेका हुन् ।

मन्त्री किरातीले बिदाबाहेक सात दिनमा दान पेटिकामा संकलित रकम, आफ्नो एक महिना र सचिवालयको १५ दिनको सुविधासमेत जोडेर ६ लाख  ४३४ रकम जम्मा भएको बताएका छन्। उक्त रकम दुर्गमको विद्यालयमा अक्षयकोष स्थापना गर्न प्रयोग गर्ने उनले बताए।