समिट लघुवित्त र नेसनल माइक्रोफाइनान्सको सेयर कारोबार रोक्का भएको छ ।

एक आपसमा मर्जरमा जाने सम्झौता गरेपछि नेप्सेले बिहीबारदेखि दुवै कम्पनीको सेयर कारोबार रोक्का गरेको हो । यी दुई कम्पनीले २६ असोजमा मर्जरमा जाने सम्झौता गरेका थिए ।

दुई कम्पनीमध्ये बुधबार नेशनल माइक्रोफाइनान्सको सेयर कारोबार ४५ अंकले घटेर प्रति कित्ता २००० मा बन्द भएको थियो। समिट लघुवित्तको सेयर ३४ अंकले बढेर प्रति कित्ता ९६३ मा बन्द भएको थियो।