संजीत विश्वास बिश्वका सबै भन्दा धनि व्यक्ति बनेका छन्।

फोर्ब्सका अनुसार उनको सम्पत्ति २१ हजार ६ सय २ अरब अमेरिकी डलर रहेको छ। जुन एलोन मस्कको भन्दा १०८ गुणा बढी हो । तर यो कुरामा कत्तीको सत्यता छ भन्ने पुष्टी हुन सकको छैन।

सम्पत्तिको अधारमा बिश्वकै १७ सय २९ औ नम्बरमा रहेका उनि १ नम्बरमा पुगेका हुन्। फोर्ब्सको आधिकारिक वेवसाइटमै यस्तो डाटा हुदा धेरैले अचम्म मानेका छन्।

एकजना सामाजिक संजाल प्रयोगकर्ताले लेखेका छन् को हुन् संजित विश्वास ? कहाँ बाट आए उनि ? संसारको धनाड्य व्यक्ति बनेका उनलाई धेरैले चिनेका छैनन्। उनि सूचिको अग्रपंक्तिमा आएपछि सामाजिक संजालभरि चर्चाको बिषय बनेको छ।

संजित विश्वास एक अमेरिकी इन्टरनेट उद्यमी र कम्प्युटर वैज्ञानिक र सम्साराका सह-संस्थापक हुन्, इन्टरनेट अफ थिंग्स कम्पनीको मुख्यालय सान फ्रान्सिस्को, क्यालिफोर्नियामा रहेको छ जसले भौतिक सञ्चालनका लागि हार्डवेयर र सफ्टवेयर उपलब्ध गराउँछ।

अहिले फोर्ब्सको सुचीबाट उनको नाम र स्थान सच्चाइएको छ। उनको नाम सूचिको १ हजार ९ सय ५९औ नम्बरमा छ। उनको सम्पत्ति अहिले १ अर्ब अमेरिकी डलर रहेको छ। के कारणले यस्तो भएको हो फोर्ब्सले कुनै आधिकारिक सुचना दिएको छैन।