भारतीय क्रिकेटर ऋषभ पन्त शुक्रबार बिहान दुर्घटनामा परेका छन् ।

दुर्घटना यति भीषण थियो कि डिभाइडरमा ठोक्किएर क्रिकेटरको मर्सिडिज कार पूरै जलेर खरानी भएको थियो । चिकित्सकका अनुसार पन्तको खुट्टामा गम्भिर चोट लागेको छ ।

जानकारी अनुसार नयाँदिल्लीबाट उत्तराखण्डको रुर्की जाँदै गरेको ऋषभ पन्तको मर्सिडिज कार आज बिहान ५ः१५ बजे नरसान नाकामा रेलिङसँग ठोक्किएको हो । दुर्घटनापछि कारमा आगो लागेको थियो । सौभाग्यवश, यात्रुहरूले स्क्रिन तोडेर पन्तलाई कारबाट बाहिर निकाले। त्यतिबेला उनी कारमा एक्लै थिए ।

घाइते क्रिकेटरलाई तुरुन्तै रुड़कीको सक्षम अस्पतालमा लगिएको थियो। उत्तराखण्डका डीजीपी अशोक कुमारले क्रिकेटरको शरीरमा खासै चोट नभएको तर एउटा खुट्टा भाँचिएको सम्भावना रहेको बताए । उनलाई अहिले देहरादुनको म्याक्स अस्पतालमा थप उपचारका लागि लगिएको छ ।

ऋषभ पन्तले बिहान कार चलाउँदा निदाएका थिए र केही सेकेन्डमै कार अनियन्त्रित भएर डिभाइडरमा ठोक्किएर दुर्घटना भएको बताए ।दुर्घटनामा घाइते भएका क्रिकेटर ऋषभ पन्तको बारेमा उत्तराखण्डका मुख्यमन्त्री पुष्कर सिंह धामीले अधिकारीसँग जानकारी लिएका छन् । साथै उनीहरुको उपचारका लागि सम्भावित सबै व्यवस्था मिलाउन निर्देशन दिइएको छ ।

ऋषभ पन्तको शिघ्र स्वास्थ्य लाभको कामना गर्दै मुख्यमन्त्री धामीले उनको उपचारको सम्पूर्ण खर्च प्रदेश सरकारले व्यहोर्ने बताए । एयर एम्बुलेन्स आवश्यक परेमा त्यसको पनि व्यवस्था गर्नुपर्छ ।