NICFC 8.91 -0.14 PRSF 8.54 -0.46 H8020 8.82 0 NIBLSTF 8.25 -0.29 GBILD86/87 1000 2 SBID83 1081 11 ALBSL 983 -27.5 MSLB 1377.7 -32.3 NLG 765.9 4.9 SAPDBL 355 -3 HATHY 911.1 -23.9 GBIME 183 -3.1 BNL 15825.6 -322.9 MPFL 500 -3 MMF1 7.25 -0.2 DLBS 1284 -51 LEC 191 6 GVL 550 -12.2 SKBBL 813.1 -11.9 HDL 1287.9 -5.9 MKHC 324.9 0.9 MEN 611 -5.3 RMF2 8.67 0.27 BGWT 1017.9 -113.1 ADBL 268 2 HBL 184 0 MCHL 433 4 NADEP 847 -28 NCCD86 1006.1 0.1 SHEL 161.9 -0.3 NIBD84 972.6 -12.4 PCBL 200 -1.9 NICD88 980 9 CBBL 850 -8 CFCL 436.1 -8.9 NICSF 9.55 0.25 SJLIC 410.5 -2.6 SJCL 268 -3.8 GRDBL 435.3 -10.7 SBL 249 -2.9
×
आमनिर्वाचनको मौन अवधि सुरु, के के गर्न पाहिदैन ?



४ मंसिरमा हुने प्रतिनिधिसभा र प्रदेशसभा निर्वाचनका लागि बिहीबार मध्यरातिबाट मौन अवधि सुरु भएको छ ।

योसँगै राजनीतिक दल, उम्मेदवार तथा दलका पदाधिकारीले चुनावी प्रचार गर्न बन्द गरिएको निर्वाचन आयोगले जनाएको छ । सञ्चार माध्यमले कुनै पनि प्रकारका चुनावी प्रचार सामग्री सम्प्रेषण गर्न पाउने छैनन् ।  मतदान सुरु हुनु ४८ घण्टाअघिदेखि मौन अवधि तोकेको हो । मतदान नसकिएसम्म मौन अवधि कायम रहनेछ ।

निर्वाचन धाँधलीरहित, स्वच्छ, निष्पक्ष, भयमुक्त वातावरणमा सम्पन्न गर्न मौन अवधि तोकिएको हो । मौन अवधिभर दल, तिनका भ्रातृ संगठन, उम्मेदवार, संघ संगठनलगायतले राजनीतिक प्रचार, भेला,गोष्ठी आयोजना गर्न नपाउने आयोगको आचारण निर्देशिकामा उल्लेख छ ।

बिहीबार बसेको केन्द्रीय आचारसंहिता अनुगमन समितिको बैठकले मतगणनाको काम पूरा नभएसम्म कुनै उम्मेदवार वा राजनीतिक दलको पक्ष वा विपक्षमा मतदान गर्ने वा नगर्ने उद्देश्यले सभा, जुलुस र नाराबाजी नगर्न भनेको छ ।  यदी उल्लंघन गरेमा आयोग, निर्वाचन अधिकृत वा अनुगमनकर्ताले २५  हजार रुपैयाँसम्म जरिवाना गर्न सक्ने व्यवस्था छ ।

बिहीबार मध्यरातिबाट निर्वाचन प्रचारप्रसार सम्बन्धी वा राजनीतिक दल वा उम्मेदवारको गतिविधि वा प्रचारप्रसार सम्बन्धी कुनै पनि समाचार प्रकाशन वा प्रसारण नगर्ने भनिएको छ । यसको अनुगमन प्रेस काउन्सिलले गर्नेछ ।

निर्वाचन प्रचारप्रसार सम्बन्धी कुनै पनि सामग्री फेसबुक, ट्वीटर, युट्युब जस्ता सामाजिक सञ्जालमा नराख्न, शेयर, ट्याग, लाइक, कमेन्ट वा प्रतिकमेन्ट नगर्न वा नगराउन सर्वसाधारणलाई आह्वान गरिएको छ ।

प्रतिक्रिया
Subscribe
Notify of
guest
0 Comments
इनलाइन प्रतिक्रियाहरू
सबै टिप्पणीहरू हेर्नुहोस्


ताजा समाचार

लोकप्रिय
सिफारिस