SMFBS 1505.2 6.2 MANDU 885 -14 RNLI 495.5 1.5 SHIVM 599 -8 ALICL 714.5 -1.2 SHL 512 -4.5 CIT 2195 0 SHLB 1886.9 1.9 PMLI 562 1 UAIL 639 -1 CIZBD90 1081 1 MKHL 493 -6 NICSF 9.5 0.25 NWCL 975 -13.9 BHPL 655.1 -12.7 NICD88 1032 -21 SDBD87 1035 4 MAKAR 500 6 LLBS 1050 5 NBLD85 1025 0 KSBBL 448 -3 MKJC 467.9 -1 GUFL 735 5 SAEF 11.22 0.17 SPL 813 -12.1 CLI 634 -4.9 IGI 600 -4 SMH 1064.8 5.9 SICL 832 0 SINDU 667 -6 SIGS2 10.05 0 STC 5908 9 KBL 234 -6.9 PRSF 9.54 -0.11 USHL 783.2 -13.7 ULHC 390 -7.9 SNMAPO 190 0 BHL 440 -13 SNLI 585.1 -0.9 SANIMA 326 -10.2
×
अरुण तेस्रो आयोजना ट्रान्समिसन लाइनको मुआब्जा माग सरोकार समिति गठन



संखुवासभामा निर्माणाधीन ९०० मेगावाटको अरुण तेस्रो आयोजनाको ट्रान्समिसन लाइनको मुआब्जा माग गर्दै सरोकार समिति गठन भएको छ ।

अरुण तेस्रो जलविद्युत् आयोजनाअन्तर्गत  ४०० केभी प्रसारण लाइनको मुआब्जा माग गर्दै अरुण सरोकार समिति गठन भएको हो । ट्रान्समिसन लाइन संखुवासभाको चिचिला गाउँपालिका दिदिङ पुखुवाबाट सुरु भई डाँडागाँउ, आहाले, छ्याङकुटी हुँदै खाँदबारी नगरपालिकाको सेकाहा, मानेभञ्याङ, माथिल्लो चेवा, पिप्ले रयले बेंशी हुँदै भोजपुरको  षडान्नद नगपालिकाबाट जाने सतलज कम्पनीले जनाएको छ ।

अरुण तेस्रो आयोजनाका लागि संखुवासभामा ४३ वटा ट्रान्समिसन लाइन रहने छन् ।  खाँदबारी नगरपालिका–३ स्थानीयहरुको भेलाले अध्यक्षमा किशोरकुमार गुरुङको अध्यक्षतामा ३९ सदस्यीय ट्रान्समिसन लाइन मुआब्जा सरोकार समिति गठन गरेको छ । ट्रान्समिसन लाइन चिचिला गाउँपालिका १, २ र ३ हँदै  खाँदबारी नगरपालिका ४, ३, २ र १ र ८ नम्बर वडा हुँदै भोजपुर लगिने छ ।

ट्रान्समिसन लाइनले आठवटा वडाभित्रका करिब ५९४ घरधुरीको जग्गा अधिग्रहण गर्नेछ । जग्जाधनीहरुलाई मुआब्जावापत उचित क्षतिपूर्ति दिनुपर्ने भेलाको माग छ ।  अरुण तेस्रोले अहिले ट्रान्समिसन लाइन टावरले करिब ४६ मिटर जग्गा टावरले कभर गर्छ ।

अरुण तेस्रो जलविद्युत् आयोजनाको लागि अहिले सडक, ड्याम साइड, पावर हाउस, सुरुङ मार्ग निर्माणको कार्य धमाधम भइरहेको छ । ट्रान्समिसन लाइन संखुवासभा, भोजपुर, खोटाङ, उदयपुर, सिराहा, धनुषा हुँदै मोहत्तरी हुदै भारत पुग्ने सतलज कम्पनीले जनाएको  छ ।

संखुवासभा जिल्लाको मकालु गाउँपालिकामा–५ नुमको फ्याक्सीन्दामा ड्याम साइड निमार्ण भइरहेको छ भने पावर हाउस चिचिला गाउँपालिका दिदिङको पुखुवामा  निर्माण भइरहेको छ । अरुण तेस्रो आयोजनाको क्षेत्रभित्र पर्ने घर तथा जग्गा अधिग्रहणका काम सकिएको जानकारी दिइएको छ । संखुवासभा जिल्लामा दुई अर्ब भन्दामाथि रकम मुआब्जा बाँडिसकिएको छ ।

प्रतिक्रिया
Subscribe
Notify of
guest
0 Comments
Most Voted
Newest Oldest
इनलाइन प्रतिक्रियाहरू
सबै टिप्पणीहरू हेर्नुहोस्


ताजा समाचार

लोकप्रिय
सिफारिस